Ẹksọdọs 23:31 - Edo Bible (E Baibol Ẹdo) Version 1996

³¹ I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Ẹksọdọs 23:31 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

I Ọba 11:2

Ọ keghi viọ ehia rọnmwẹ, vberriọ, e Nọyaẹnmwa ta ẹe wẹ ne ivbi Izrẹl ghẹ rhie okhuo vbe ivbi iran na, rhunmwuda, iran gha ru ẹe ne ivbi Izrẹl do gha ga ẹbọ ọvbehe.

I Ọba 20:13

Vbe uwu ẹghẹ ne a kha na, akhasẹ ọkpa na ya tama Ehab ne ọba wẹẹ, “E Nọyaẹnmwa khare wẹẹ, ‘Ghẹ gie ohan ivbi iyokuo ni bun na mu ẹẹn! I gha rhie ruẹ obọ yan iran uhunmwu ẹrẹna, u ghi rẹn wẹ mẹ ọrọre Nọyaẹnmwa!’ ”

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

I Ọba 8:65

Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.

II Krọnikol 9:26

Rẹn ọ re ọ gha re ọba nọkhua yan avbe ọba ni rre otọe nii hia, ke Ẹzẹ Yufretes kpao kevbe Filistia kevbe ehe ne otọe Igipt lae.

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Nọmbas 21:34

E Nọyaẹnmwa keghi tama e Mosis wẹẹ, “Ghẹ gie ohan rẹn muẹn, I gha guẹ khọnmiotọ vbe uhunmwu ẹnrẹn, emwa rẹn kevbe otọe ẹre. Ruẹe vbene u vbe ru Saihọn ne ọba Amọri vbe Hesbọn.”

Nọmbas 34:2

Ne ọ ma avbe ivbi Izrẹl re: “Wa gha la otọ Kenan, otọe ne I mu ne uwa, eke ne ọ gha re uwu otọe uwa ọre ena khin.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 11:24

Otọe ne uwa a rhirhi ya owẹ khian la ghi khian ọghe uwa. Otọe uwa ghi ke ato ne ọ rre odẹ ekẹn ya sẹ Oke Lebanọn vbe odẹ okuọ kevbe ke Ẹzẹ Yufretes vbe odẹ ahọ ya sẹ Okun Meditẹrrenian vbe odẹ orrie.

Diuteronomi 2:33

Sokpan e Nọyaẹnmwa Osanobua ima keghi rhie ẹre yan ima obọ, ma keghi gbe ẹe rua ke ẹe kevbe ivbi ẹre kevbe emwa rẹn hia.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 20:16

“Sokpan, wa gha khọn ẹvbo ni rre otọe ne Nọyaẹnmwa Osanobua khian mu ne uwa. Wa gbele emwa hia ni rrọọ rua.

Diuteronomi 3:2

Sokpan, e Nọyaẹnmwa keghi tama mwẹ wẹẹ, ‘Ghe gie ohan rẹn mu ẹẹn. I gha rhie irẹn kevbe ẹvbo ẹre hia kevbe emwa rẹn yan ruẹn obọ, u ghi vbe ru ẹe vbene u ru Sihọn ne ovbi Amọri ne ọ rriọba vbe Hesbọn.’

Diuteronomi 6:19

Wa gha sẹtin khulo avbe eghian uwa ladian zẹ vbene irẹn khare.

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Jọsua 1:4

Ehe ne otọe uwa lae ghi ke ato odẹ ekẹn ọghe Oke Lebanọn, kevbe Ẹzẹ Yufretes nọkhua vbe odẹ ahọ, kevbe ẹvbo Hiti hia ya sẹ Okun Meditẹrrenian vbe odẹ orrie.

Jọsua 10:19

Sokpan, wa tobọ uwa ghẹ mudia ye evba. Wa khu avbe eghian nii ne uwa ke odieke gu iran gha khọn, wa ghẹ gie iran la ẹvbo iran. E Nọyaẹnmwa Osanobua uwa rhie akhọnmiotọ vbe uhunmwu iran ne uwa nẹ.”

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 13:6

Emwa Saidọn hia ni rre ẹvbo uhunmwu oke keghi rre ne usun, iran ni rre ẹkpo Oke Lebanọn kevbe Misrefọt Maim. I gha khulo iran ladian vbene ivbi Izrẹl ya nana sikẹ odaro. U ghi ghae otọe nii ne ivbi Izrẹl ne ọ gha re ọghe iran zẹ vbe ne I ta ma ruẹn wẹ ne u ru.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 21:44

E Nọyaẹnmwa keghi rhie ọfumwegbe ne iran vbe igie enenẹ zẹ vbe ne ọ yan ma avbe erha iran odede. A ma miẹn ọkpa vbe uwu avbe eghian iran hia ne ọ sẹtin da iran obọ yi, rhunmwuda, e Nọyaẹnmwa keghi gie ivbi Izrẹl khọnmiotọ vbe uhunmwu avbe eghian iran hia.

Jọsua 23:14

“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.

Jọsua 24:11

Wa keghi fian Jọdan rra gha die Jẹriko. Ivbi e Jẹriko kegha gu uwa gbinna vbene emwa Amọri, Pẹriz, Hiti, Gẹgas, Hivi kevbe Jebus vbe ru. I keghi rhie akhọnmiotọ ne uwa vbe uhunmwu iran.

Jọsua 24:12

I kevbe gie ugborrirri mwẹ ke odaro ne uwa ne ọ ya khulo avbe ọba Amọri eva ladian vbe odaro uwa. Ẹ i zẹdẹ re umozo kevbe ifẹnmwẹ uwa ọ re ọ ru ẹe.

Jọsua 24:18

Vbene ima ya gha nana ghe odaro, erriọ e Nọyaẹnmwa ya gha khulo avbe emwa nii ladian, avbe emwa Amọri ni rre otọe nii. Erriọ vbe nọ, ma gha vbe ga e Nọyaẹnmwa! rẹn ọrọre Osanobua mwa.”

Jọsua 24:8

Ẹre I na viọ uwa gha die otọ iran ne emwa Amọri ni rre odẹ ahọ ọghe Jọdan. Iran gu uwa gbinna, I keghi gie uwa khọnmiotọ vbe uhunmwu iran. Wa keghi mu otọ iran, mẹ na fuẹn iran zẹ vbene uwa ya khian ghe odaro.

Jọsua 8:18

Ẹre Nọyaẹnmwa na tama Jọsua wẹẹ, “Niẹn asoro ruẹ da Eai, I ra muẹn nuẹn.” E Jọsua keghi ru vbene a tama rẹn.

Jọsua 8:7

Ẹghẹ nii, wa ghi ladian vbe ehe ne uwa lẹre yi, ne uwa khọn ẹvbo nii muotọ. E Nọyaẹnmwa Osanobua rua gha rhie ẹre ne uwa.

Jọsua 9:7

Sokpan ivbi Izrẹl keghi tama ivbi e Hivi wẹẹ, “Vbe ima a ghi guwa vẹn ihẹn ne egbe hẹ, ọ gha kẹe, ehe ne uwa ye ma khian rrei vbe emwana.”

Giọgis 1:4

ke Juda ke gba gha rrie okuo. E Nọyaẹnmwa keghi gie iran khọnmiotọ vbe uhunmwu ivbi e Kenan ke Pẹriz, iran keghi khọn arhin arriaisẹn igbe (10,000) muotọ vbe Bẹzẹk.

Giọgis 11:21

Sokpan e Nọyaẹnmwa ne Osanobua Izrẹl keghi rhie akhọnmiotọ ne iran vbe uhunmwu e Saihọn kevbe emwa rẹn hia. Ẹre Izrẹl ghi na mu otọe ni re ọghe emwa Amọri vbe ẹvbo nii.

I Samuẹl 23:4

Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”