Ẹksọdọs 23:29 - Edo Bible (E Baibol Ẹdo) Version 1996

²⁹ Mẹ i ra khulo iran kua vbe ukpo ọkpa kẹkan, ne a ghẹ miẹn wẹ ẹvbo i ghi rre otọe nii, aranmwẹ akọn ghi do sẹ uwa abọ.

Ẹksọdọs 23:29 ပူးပေါင်းရင်းမြစ်များ

Ẹksọdọs 23:30

Te I ra hẹko gha khulo iran kpao kherhe kherhe rhinrin wa te do biẹlẹ sayọ vbene obọ uwa gha na gba otọe nii ne uwa yan rẹn,

Ẹksọdọs 34:24

I gha ghi khulo avbe okpẹvbo hin odaro rua rre nẹ, I na vbe rhie te ehe ne otọe rua la ẹe, a i miẹn ọmwa ne ọ gha ho ne ọ ya khọn ẹvbo uwa vbe uwu igba eha ne uwa do gha miẹn mwẹ aro nii, mẹ ne Nọyaẹnmwa ne Osanobua ruẹ.

Diuteronomi 7:22

Ọ gha hẹko gha khulo emwa na kua kherhekherhe zẹ vbe ne uwa vbe ya khian sikẹ odaro, sokpan wa i ra sẹtin wa fuẹn iran hia a vbe ọwarọkpa nii. Wa gha ru ẹe vberriọ, avbe aranmwẹ akọn gha do gha bun, onii ghi do zẹ ẹbe ne uwa.

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Jọsua 16:10

Sokpan, iran ma khulo ivbi e Kenan, iran ye gu ivbi Ifreim rrọọ do sẹ ẹdẹnẹrẹ na sokpan te a ghi ya ẹtin vbe iwegbe ya iran gha winna zẹ vbe eviẹn.