Ẹksọdọs 23:25 - Edo Bible (E Baibol Ẹdo) Version 1996

²⁵ Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Ẹksọdọs 23:25 ပူးပေါင်းရင်းမြစ်များ

Psalm 103:3

Ọ ya orukhọ mwẹ hia bọ mwẹ, ọ vbe mu mwẹ egbe rran hin emianmwẹ hia.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Asan-Ibo 5:20

Ugbẹn vbe Osanobua ghi kuee yọ ẹre re nẹ, ẹko gha sẹ ọre ọyẹnmwẹ, wẹ ne ọ ghẹ ghi vbe si osi ye ẹmwẹ deghẹ a tọ ra a i tọ.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Daniẹl 1:15

Ẹdẹ ghi gba, egbe kegha maa iran, egbe wa vbe rran iran sẹ avbe emọ ni rri evbare ẹguae.

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 13:4

Lele Nọyaẹnmwa, ne u vbe gha mu ohan rẹn; gha họn ẹmwẹ ne ẹẹn ne u vbe gha lele iyi ẹre, gha ga ẹe ne u vbe gha re ne ọ gba ẹko ẹre.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 7:13

Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

Diuteronomi 7:15

E Nọyaẹnmwa gha degue uwa hin obọ emianmwẹ hia rre. Ẹ i ra gie egbe emianmwẹ dan ne aro uwa sẹ vbe Igipt sẹ ehe ne uwa ye. Sokpan, ọ gha kun ehia yan avbe eghian uwa.

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

Jọsua 24:21

Emwa nii keghi tama e Jọsua wẹẹ, “Ẹn o, e Nọyaẹnmwa ọ re ima gha ga.”

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”

I Samuẹl 12:20

E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”