Ẹksọdọs 23:24 - Edo Bible (E Baibol Ẹdo) Version 1996

²⁴ Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 23:24 ပူးပေါင်းရင်းမြစ်များ

II Ọba 17:11

Iran kegha giẹn eturari vbe uhunmwu avbe aka iran ni ga ẹbọ hia, zẹ vbene avbe emwa ne Nọyaẹnmwa khulo hin otọe nii rre vbe gha ru. Iran keghi ya uyinmwẹ dan ne iran yin hia ya ohu mu e Nọyaẹnmwa,

II Ọba 17:8

Iran kegha yin uyinmwẹ emotọ ọghe emwa ne Nọyaẹnmwa khulo hin vbe emwa nii dee, iran kevbe ye obọ ye uyinmwẹ ọmotọ ne avbe ọba Izrẹl ya rre.

II Ọba 18:4

Ọ keghi guọghọ avbe ehe ne iran ni ga ẹbọ na gho ẹbọ iran, ọ keghi guọghọ orre okuta ni rrọọ ọ na vbe dunmwu amazẹ Asiẹrra ne ẹbọ ne okhuo sẹ otọ. Ọ kevbe guọghọe rua ighẹ ẹyẹn ne Mosis ya oze ru, ne iran gha tie ẹre Nehustan. Do sẹ ẹghẹ ne a kha na, te ivbi Izrẹl ye gha giẹn eturari vbe ya ya ọghọ ne ẹẹn.

II Ọba 3:2

Ọ keghi rukhọ ghe Nọyaẹnmwa, sokpan ọ ma rhia vba erha ẹe ra e Jezibẹl ne iye ẹe. Amazẹ ne erha ẹe mannọẹn ne a na gha ru e Bal, ọ keghi guọghọ ehia kua.

II Krọnikol 14:2

Asa keghi ru emwi ne ọ yẹ e Nọyaẹnmwa ne Osanobua ẹre, vbe ekpa ne ọ na gha yin uyinmwẹ nọgbae kevbe ne ọ maa.

II Krọnikol 25:14

Ugbẹn vbe Amezaia ghi khọn ivbi Idọm muotọ nẹ ọ keghi viọ ẹbọ iran gha die owa, ọ keghi kọ iran, ọ na gha gho iran, ọ na gha giẹn eturari ne iran.

II Krọnikol 33:2

Uyimwẹ ẹwia ne avbe emwa ne Nọyaẹnmwa khulo hin otọe ni rre vbe ivbi Izrẹl dee, ọ re ọ wa lele, e Manasẹ keghi sẹmwẹ e Nọyaẹnmwa.

II Krọnikol 33:9

E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Ẹksọdọs 20:3

“Ohan i gie uwẹ mwẹ osa ọvbehe ba imẹ.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Ẹksọdọs 23:33

Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Ẹksọdọs 32:20

Ọ keghi mu ẹkhuia ẹmila ne iran ru nii ọ na giẹn ọnrẹn uan, ọ na dunmwu ẹn rẹnkhẹn, ọ na khakha ebubẹ ọre lele amẹ, ọ na wẹ ne ivbi Izrẹl wọn ẹn.

Ezikiẹl 16:47

“Ọ ma sẹ uwẹ ọkẹn ra ne u gha la odẹ ne iran lae, ne u vbe gha yegbe ta uyinmwẹ ẹwia iran? Hiehiere, vbe ovbi ẹghẹ kherhe, u ke ru emwi ne ọ rhia sẹ ọghe iran vbe emwi ne u ru hia.”

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Levitikọs 18:3

Ghẹ lele uyinmwẹ emwa Igipt, ehe ne uwa te gha ye ra ọghe emwa Kenan, ehe ne I viọ uwa rrie.

Levitikọs 26:1

E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Nọmbas 33:52

wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.

Diuteronomi 12:3

Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Diuteronomi 7:5

Vbene uwa gha ru iran na hẹ ọ re ọ na khin. Wa siẹn aka iran hia sẹ otọ, wa bunnọ orre okuta iruẹbọ iran ukhiọnmwẹ. wa giagia erhan iruẹbọ ne iran baba lele otọ kua, ne uwa vbe giẹn amazẹ iran an ighẹ Asiẹrra.