Ẹksọdọs 23:23 - Edo Bible (E Baibol Ẹdo) Version 1996

²³ Odibosa mwẹ gha ke odaro ne uwa, ọ ghi viọ uwa gha rrie otọ iran ne emwa Amọri, Hiti, Pẹriz, Kenan, Hivi kevbe Jebus, I ghi vbe fuẹn iran an.

Ẹksọdọs 23:23 ပူးပေါင်းရင်းမြစ်များ

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Ẹksọdọs 18:8

E Mosis keghi na iyẹn emwi ne Nọyaẹnmwa rhunmwuda ivbi Izrẹl ru ọba Igipt kevbe ivbi Igipt re ma e Jẹtro. Ọ na iyẹn ọlọghọmwa ne iran he miẹn vbe odẹ kevbe vbene Nọyaẹnmwa miẹn iran fan hẹẹ.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 32:2

Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Aizaia 5:13

rhunmwuda ọnii, a gha viọ uwa gha rrie zẹvbe oghunmwu. Ohanmwẹ gha gbele avbe ọkaolotu uwa a, ovbamẹ ghi gbele emwa kẹkan.

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Jọsua 23:9

E Nọyaẹnmwa khulo avbe agbọn ẹvbo nekhua kevbe ni wegbe hin ehe ne uwa ye rre, a ma he miẹn emwa ne ọ sẹtin rrẹrrẹ uwa do sẹ wanwan na.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.