Ẹksọdọs 23:21 - Edo Bible (E Baibol Ẹdo) Version 1996

²¹ Wa ghi rhie ehọ ye ẹmwẹ ọnrẹn, wa gha ru vbene ọ khare. Wa ghẹ sọtẹ ghe ẹre rhunmwuda eni mwẹ ọre ọ ya ru emwi. Rẹn i ra ye egbe abakuru vberriọ bọ ọmwa.

Ẹksọdọs 23:21 ပူးပေါင်းရင်းမြစ်များ

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 78:40

Kugba kẹghẹrẹ ọ re iran ya gha sọtẹ ghe ẹre vbe uwu ato, kugba kẹghẹrẹ ọ re iran ya gha rhia ẹre ẹko rua.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Ẹksọdọs 3:14

Osanobua tama e Mosis wẹẹ, “Mẹ mwẹ ọre ọmwa ne Imẹ khin. Ọna ọrọre emwi ne u gha tama ivbi Izrẹl wẹẹ, ‘Omwa ne a tiẹre Imẹ ẹre ọ gie mwẹ gie uwa.’ ”

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.

Aizaia 45:6

Te I ru ọna ne emwa hia ke okhiẹ agbọn na ya sẹ obọ nọkpa sẹtin rẹn wẹ mẹ ọrọre Nọyaẹnmwa kevbe wẹ osa ọvbehe i rrọọ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 9:5

Ibata avbe iyokuo ni mu okuo dee kevbe ẹwu iran ne esagiẹn gbe yi hia erhẹn gha giẹn ehia a.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 14:35

I gha miẹn i ghẹ I i ru uwa emwi na, wa ne emwa dan ni si uma mwẹ. Uwu ẹgbo na ọre uwa hia ra wulo yi. Mẹ ne Nọyaẹnmwa tae nẹ.’ ”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Iyẹn ne ọ Maan Ọghe Jọn 10:30

Ọkpa ọ re Mẹ vbe Erha khin.”

Iyẹn ne ọ Maan Ọghe Jọn 10:38

Sokpan deghẹ iwinna nii ọre I winna, deghẹ wa ma rhe ya mwẹ yi, wa ye avbe iwinna ni yi, ne uwa miẹn ehe na rẹn vbe ne a i ghi na gbe agbanmwẹ wẹ Evbavba rre uwu imẹ, mẹ vbe rre uwu Evbavba.”

Iyẹn ne ọ Maan Ọghe Jọn 5:23

Ne emwa hia miẹn ehe na gha ye ọghọ ne Ọmọ zẹ vbene avbe ya ọghọ ne Erha. Ọmwa ne ọ ma ye ọghọ ne Ọmọ ọ ma ya ọghọ ne Erha ne ọ gie ẹe.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

Diuteronomi 18:19

Akhasẹ gha ya eni mwẹ guan, ọmwaikọmwa ne ọ ma ya ẹe ru emwi, I gha rri ọ re oya.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Kọlose 2:9

Rhunmwuda emwi hia ne ọ ghi rre uwu a i ya egbe ta Osa hia, ta ọ gbae vbe egbe Kristi, zẹ vbe ọmwa.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 3:16

De emwa ni họn urhu Osanobua ne ọ na sọtẹ ọre yi? Ẹmwata, emwa hia ne Mosis hẹ ke Igipt ladian nọ.

Jọsua 24:19

E Jọsua keghi tama emwa ni wẹẹ, “Sokpan wa i sẹtin ga e Nọyaẹnmwa rhunmwuda Osanobua ne ọ huanrẹn kevbe ne a i gu mwa ẹrrẹe ọ re irẹn khin. Rẹn i ra ya orukhọ uwa bọ uwa.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 2:8

“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.

Giọgis 13:18

Odibo nii nọ rẹn wẹẹ, “Vbọzẹ ne u na ho ne u rẹn eni mwẹ yi? Ẹhi ọyunnuan nọ.”