Ẹksọdọs 23:2 - Edo Bible (E Baibol Ẹdo) Version 1996

² Ghẹ ye egbe ba emwa ra emwi dan rhunmwuda ighẹ iran bun, a gha gui ẹzọ, ghẹ sẹ osẹe ne ẹi gie a miẹn otọ ẹmwẹ rhunmwuda ne emwa nibun sẹ miẹn ehe na gha ghe ruẹ ẹse.

Ẹksọdọs 23:2 ပူးပေါင်းရင်းမြစ်များ

Gẹnẹsis 19:4

Vbe ọ te sẹ ẹghẹ ne avbe orhunmwuyẹn nii ya lovbiẹ, emwa Sọdom keghi ghae ga owa nii. Ikpia nii rre ẹvbo nii hia keghi wa gha rre evba ibiẹka kevbe eniwanrẹn.

Gẹnẹsis 6:12

Osanobua ghi tọn aro mu ghe agbọn, ọ keghi miẹn wẹ ọ ghe ọkhọ nọ, rhunmwuda emwa ke wa gha re emwa dan fẹfẹẹfẹ.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

Job 31:34

Ohan ẹmwẹ ne emwa gha ta ma he mu mwẹ ẹdẹ, I ma he hunwan ẹdẹ ra ne I khui egbe ye owa, rhunmwuda ighẹ ohan ogie iran mu mwẹ.

Psalm 72:2

Ne ọ miẹn ehe na gha ya ẹmwata khaemwisẹ yan emwa ruẹn. Kevbe ne ọ vbe ya ẹmwata gha kha yan avbe emwa ne a zẹ kpokpo.

Itan 1:15

Ovbi mwẹ, ghẹ gu emwa vberriọ mu obọ. Gban egbe ne iran.

Itan 18:5

Emwi ne ọ ma gba nọ ne a ya ma ọmwa ne ọ rriabe vbe ne a ma na rhie ase ne ne ọ rria ase.

Itan 4:14

Ghẹ yo ehe ne avbe emwa dan yo. Ghẹ ya egbe ta emwa dan.

Jerimaia 37:15

Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Jerimaia 38:9

“U gha tọ u kpẹre Umogun, emwi ne iran na ru i maa. Iran ya mu e Jerimaia fi uwu uhae, agbọn hia rẹnrẹn wẹ, te ohanmwẹ ra gbe ẹe rua ye evba rhunmwuda evbare i ghi rre ẹvbo.”

Ezikiẹl 9:9

Osanobua keghi wanniẹn wẹẹ, “Orukhọ dan ọre ivbi Izrẹl kevbe ivbi e Juda ru. Iran de izigha vbe ehe hia, iran keghi vbe ya orukhọ vuọn Jerusalẹm. Iran wẹ, mẹ ne Nọyaẹnmwa fi iyeke gbe ẹvbo iran nẹ, I i ghi bẹghe iran.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Hagai 1:4

“Wa ne emwa mwẹ, vbọzẹ ne uwa gha na gha rre owa ne a bọlọe ẹsẹse vbe Ọgua Osa mwẹ re itowa?

Iyẹn ne ọ Maan Ọghe Mak 15:15

Pailet keghi ho ne ọ ru emwi ne ogha yẹ iran, ọ na rhunmwuda ọnii fan Barabbas fua ne iran. Ọ ghi wẹ ne iran gbe Jesu asan nẹ, ọ keghi rhie ẹre ne iran ne iran ya kan rẹn mu ugbugbe.

Iwinna 24:27

Ukpo eva ghi gberra nẹ Pọsiọs ne ovbi e Fẹstọs keghi rhie ihe Fẹlis vbe ukpo e Ne ọ khaemwisẹ. Fẹlis keghi ho ne avbe Ju gha ta ẹmwẹ ọnrẹn ẹse, ọ na rhunmwuda ọnii sẹ Pọl rae ye ẹwẹdọ.

Iwinna 25:9

Fẹstọs keghi ho ne avbe Ju gha ghe irẹn ẹse, ọ na rhunmwuda ọnii nọ e Pọl wẹ, “U ghi khianmwu vbe Jerusalẹm khekherriọ ne a ya danmwehọ ẹzọ ne iran gu ẹe gui na vbe odọ.”

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.

I Samuẹl 15:9

E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.