Ẹksọdọs 23:19 - Edo Bible (E Baibol Ẹdo) Version 1996

¹⁹ Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 23:19 ပူးပေါင်းရင်းမြစ်များ

Nehimaia 10:35

Ukpo ukpo, ma gha viọ avbe emwiokọ ne ima gha rhọ ya gha mu ohan vbe Ọgua Osa, kevbe avbe ọmọ erhan ne ọ ka gha vbọ vbe emwiokọ mwa.

Nehimaia 10:36

Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 34:26

“Wa ghi gha viọ eni maa sẹ vbe avbe emwiokọ ne uwa ka gha rhọ vbe ugbo rua rriowa Nọyaẹnmwa. “Wa ghẹ le ovbiohuan vbe uwu ewẹn iye ẹe.”

Itan 12:10

Ọmwa esi ghi gha gbearoghe emwi irri ẹre, sokpan, emwa dan ghi gha ru ọghe iran khọ.

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Jerimaia 10:3

Emwi ne ọmwa maa ọ re iran na gho. A tọn erhan gbotọ vbe oha, owinna ghi ye emwi iwinna rẹn kaa iran.

Ezikiẹl 44:30

Avbe ohẹn ọ re ọ kerre ne gha viọ avbe emwi ne ọ maa sẹ vbe emwi orhọ ne a ka gha rhọ hia kevbe avbe emwi ọvbehe ne a ya yo imuohan gunmwẹ hia fẹẹrẹ. Ẹghẹikẹghẹ ne emwa nii a rhirhi ya le ebrẹd, iran ghi gha mu ne okaro vbọ gie ohẹn zẹ vbe emwi ihaoko, afiangbe mwẹ gha vbe gha rre owa iran.

Ezikiẹl 48:13

Avbe Livai gha vbe gha mwẹ ako kpataki vbe odẹ ekẹn ọghe avbe ohẹn. Ọna ghi gha re ibiriki igbe ke odẹ ahọ ya sẹ orrie kevbe ibiriki enẹ ke odẹ okuọ ya sẹ odẹ ekẹn.

Ezikiẹl 48:14

Ako ne a ya fi ohan ne Nọyaẹnmwa ọrọre ne ọ maa sẹẹ ehia vbe otọe nii, a ghẹ vbe khiẹn vbọ hiehiere ra ne a yae rọ ra ne a ya ru ẹse ne ọmwa rhọkpa. Te ọ huanrẹn, ọghe Nọyaẹnmwa nọ.

Nọmbas 15:21

Erriọ ọ re a ra gha zẹ ọhẹ kpataki na gie Nọyaẹnmwa vbe uwu irhuarhua ne a ka gha gbe vbe a ghẹ ghi rhọ emwi okọ nẹ rhinrin ẹdẹ.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

Diuteronomi 14:21

“Ghẹ rri aranmwẹ ne uwu ẹhi gbe. U sẹtin gie avbe erhunmwuyẹn ni rre ẹbu uwa rri ọe ra ne u khiẹn ọẹn ne avbe erhunmwuyẹn ọvbehe. Sokpan ọghe Nọyaẹnmwa Osanobua uwa ọ re uwa khin, emwa ẹnrẹn wa khin, ghẹ lẹ ovbi ohuan ra ovbi ẹwe vbe uwu ẹwẹn iye ẹe.

Diuteronomi 26:10

Rhunmwuda onii nian, mẹ viọ ne okaro vbe uwu emwiokọ ne irẹn viọ mẹ gie Nọyaẹnmwa.’ “Iyeke ọnii, u ghi mu okhuae nii ye otọ vbe odaro e Nọyaẹnmwa ne u vbe ga vbe evba.

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.