Ẹksọdọs 23:18 - Edo Bible (E Baibol Ẹdo) Version 1996

¹⁸ Wa ghẹ rhie ebrẹd ne ọ huere ya ye aranmwẹ zọ ese ghe mwẹ. Efun aranmwẹ ne a ya zọ ese ghe mwẹ, wa ghẹ sẹrae vbọ ne ẹdẹ gbe.

Ẹksọdọs 23:18 ပူးပေါင်းရင်းမြစ်များ

Ẹksọdọs 12:10

Wa ghẹ sẹrae vbọ ne ẹdẹ gbe, a deghẹ ọ kẹrre vbọ, wa ghi giẹn ọnrẹn uan.

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 16:19

E Mosis keghi tama iran wẹẹ, “Ọmwarhọkpa ghẹ rhie vbọ hin rre khẹ akhuẹ.”

Ẹksọdọs 29:34

Adeghẹ eso rrọọ vbe emiowo nii ra evbare nii ne a ma he re vbe ẹdẹ a ghi gbe, a ghi giẹn ọnrẹn uan. A ghẹ rriọe rhunmwuda emwi ne a ya ru emwi nọ.

Ẹksọdọs 34:25

“Wa ghẹ ya ebrẹd na ya eyist ru zọ ọhẹ mẹ vbe uwa gha ye aranmwẹ zẹ ese mẹ. A ghẹ rhie hin rre ne ẹdẹ gbe vbe uwa gha gbe emwi ya ru emwiukpo Alagberra.

Levitikọs 2:11

A ghẹ ya eyist gbe ebrẹd ne uwa ya ha oko gie Nọyaẹnmwa, wa ghẹ ya eyist ra owọn le evbare ne a ya ha oko gie Nọyaẹnmwa.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Levitikọs 7:15

Ẹdẹ ne a ya aranmwẹ nii zọ ẹse ọre a gha vbe rri emiowo ẹre, a ghẹ gie ẹe kẹrre vbọ ne ẹdẹ gbe ẹe.

Diuteronomi 16:4

“A ghẹ gie a miẹn ọmwa ne ọ mwẹ eyist vbe owa vbe otọe uwa la ikpẹdẹ ihinrọn, a ghi gie a miẹn wẹ a rri ehia fo ighẹ emiowo ọghe aranmwẹ ne a gbe vbe ota ọghe ikpẹdẹ ne okaro nii, ọ te sẹ owiẹ ikpẹdẹ ne ọ lele ẹe.