Ẹksọdọs 23:14 - Edo Bible (E Baibol Ẹdo) Version 1996

¹⁴ Igba eha vbe ukpo ọre uwa gha ru emwiukpo mẹ.

Ẹksọdọs 23:14 ပူးပေါင်းရင်းမြစ်များ

I Ọba 9:25

Igba eha vbe ukpo Ọ re Solomọn ya si isara vbe Ogiukpo ne ọ bọ ne Nọyaẹnmwa, ọ kevbe gha giẹn eturari gie Nọyaẹnmwa. Erriọ o na do bọ Ọgua Osa fo.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹksọdọs 23:17

Igba eha vbe ukpo ọre ikpia nii rre ọbuohiẹn uwa hia gha do gha miẹn mwẹ aro, erriọ Nọyaẹnmwa khare.

Ẹksọdọs 34:17

“Wa ghẹ ya ematọn ne a ranran ẹn ma ẹbọ ne egbe uwa.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Ezikiẹl 46:9

“Avbe emwa nii gha rre do ga e Nọyaẹnmwa vbe ẹghẹ emwiukpo, iran ni la urho odẹ okuọ la owa vbe iran dee, ghi la urho odẹ ekẹn ladian vbe iran a ghi gha ke ugamwẹ rrie owa, iran ni la urho odẹ ekẹn la owa ghi la urho odẹ okuọ gha rrie. Ọmwaikọmwa ghẹ la urho ne ọ la la owa gha rrie, sokpan urho ne ọ mu aro da ehe ne ọ la rre ọre ọ gha la rrie.

Levitikọs 23:16

Vbe ikpẹdẹ ne ọ re ne ukpogie ekigbe siyeha, ẹdẹ ne ọ lele Ẹdẹ ikẹtin nogihinrọn, wa ghi dọlegbe ya ọka zẹ ọhẹ gie Nọyaẹnmwa.

Levitikọs 23:4

Wa ghi ya avbe emwiukpo na wewe vbe ẹghẹ ne a rhie yọ.

Levitikọs 23:5

Ovẹn gha dero nẹ vbe ikpẹdẹ ne ogiwenẹ ọ ghe uki ne okaro, ọre a na ru emwiukpo Alagberra ne a ya gowan e Nọyaẹnmwa.

Diuteronomi 16:1

“Ye ọghọ ne Nọyaẹnmwa Osanobua rua vbe ekpa ne uwa gha na gha ru emwiukpo Alagberra vbe uki Abib; rhunmwuda asọn ọkpa vbe uwa uki ni ọre a na fan uwa vbe irri ke Igipt ladian.

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.