Ẹksọdọs 23:13 - Edo Bible (E Baibol Ẹdo) Version 1996

¹³ Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 23:13 ပူးပေါင်းရင်းမြစ်များ

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Jerimaia 10:11

(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.

Ẹfisọs 5:12

Ekhue i gia sunu ye emwi ne iran ru vbe uwu ebiebi.)

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Diuteronomi 12:3

Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Diuteronomi 4:15

“Ẹghẹ ne Nọyaẹnmwa na gu uwa guan vbe erhẹn Oke Sainai, wa ma bẹghe ama emwi rhọkpa, rhunmwuda ọnii nian, ne ọ miẹn ehe na fu uwa egbe, wa gia miẹn.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

I Timoti 4:16

Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

Jọsua 23:11

Wa gia wa miẹn khekherriọ ighẹ wa ho ẹmwẹ e Nọyaẹnmwa Osanobua rua.

Jọsua 23:7

Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.