Ẹksọdọs 23:12 - Edo Bible (E Baibol Ẹdo) Version 1996

¹² “Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 23:12 ပူးပေါင်းရင်းမြစ်များ

Nehimaia 13:16

Emwa eso ni ke Taia rre kegha rre Jerusalẹm. Iran viọ ehẹn kevbe emwi atẹ ọvbehe ni bun rre, ne iran do khiẹn ne emwa ima vbe Ẹdẹ Ikẹtin.

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Ẹksọdọs 34:21

“Ikpẹdẹ ehan wa gha ya gha winna sokpan wa ghẹ winna vbe ikpẹdẹ ne ogihinrọn, ọre ẹghẹ egua nọ ra ẹghẹ akọrhọre.

Ẹksọdọs 35:2

Ẹdẹ ehan ọre uwa gha ya gha winna sokpan ẹdẹ ne ogihinrọn ghi gha re Ẹdẹ Ikẹtin ne ọ huanrẹn ne uwa, Ẹdẹ ọghe Ikẹtin ne a ya fiohan ne ime ne Nọyaẹnmwa. Ọmwaikọmwa ne ọ winna ẹn ẹdẹrriọ, a gha gbe ẹe rua.

Ẹksọdọs 35:3

Wa ghẹ kue hie erhẹn vbe owa uwa vbe Ẹdẹ Ikẹtin.”

Aizaia 58:3

Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Iyẹn ne ọ Maan Ọghe Mak 2:27

Jesu keghi kha wẹẹ, “Te a mwamwa Ẹdẹ Ikẹtin rhunmwuda ọmwa, a ma yi ọmwa ne Ẹdẹ Ikẹtin.

Iyẹn ne ọ Maan Ọghe Luk 13:14

Ohu keghi mu enọ gbe aro ghe Ọgua ediọn rhunmwuda ighe Jesu sinmwi ọmwa vbe Ẹdẹ Ikẹtin, rẹn keghi rhunmwuda ọnii tọn urhu mu tama emwa hia wẹẹ, “Ikpẹdẹ ehan ọre a ya winna, ẹghẹ ni ọre uwa gha na gha rre ne a do gha mu uwa egbe rran ighẹ ẹ i re Ẹdẹ Ikẹtin.”