Ẹksọdọs 23:1 - Edo Bible (E Baibol Ẹdo) Version 1996

¹ “Ghẹ ta ewẹwẹwẹ. Ghẹ yi ọmworukhọ ike vbe ekpa osẹe ohoghe ne a sẹ.

Ẹksọdọs 23:1 ပူးပေါင်းရင်းမြစ်များ

Gẹnẹsis 39:17

Ọ ke vbe ta okha na ma rẹn wẹẹ, “U ma miẹn ọviẹn ne ovbi e Hihru ne u mu bu ima gha dee nii, ọ bu mwẹ la owa do gha yagha mwẹ.

II Samuẹl 16:3

Ọba keghi kha wẹẹ, “E Mẹfibosiẹt ne eyẹ e Sọl ne arowa a vbo yi?” E Ziba keghi wanniẹn wẹẹ, “Ọ rre Jerusalẹm, rhunmwuda aro ẹre wa dae nẹ wẹ ivbi Izrẹl gha mu arriọba e Sọl ne erha ẹe odede ne ẹẹn.”

II Samuẹl 19:27

Ọ keghi do ba mwẹ ohoghe ma ruẹn, Umogun, sokpan, te u wẹ yevbe odibosa, rhunmwuda ọnii, emwi ne ọ ghi kei vbe aro ruẹ, ru mwẹ re.

Psalm 101:5

Mẹ gha gia miẹn ufomwẹ ọmwaikọmwa, ne ọ ta ewẹwẹwẹ dan vbe ekpa ọmwa ọvbehe; mẹ i ra rhie otọ ne ọmwa ne ọ tọn egbe mu ke ne ọ hio.

Psalm 120:3

Wa ne ọhọn ohoghe, vbe Osa ra ru uwa ẹre? Vbe ọ ra ya rria uwa ikhi hẹ?

Psalm 15:3

ọmwa ne ẹi zan emwa ọvbehe. Ọmwa ne ẹi fidọn ghe avbe esiọre, ne ẹi vbe ta ewẹwẹwẹ ye emwa ẹdogbo ẹre egbe.

Psalm 27:12

Ghẹ sẹ mwẹ rae ne avbe eghian mwẹ, ni ya ohoghe kevbe a yan khẹ ọmwa gun mwẹ gbinna.

Psalm 35:11

Avbe emwa dan sẹ osẹe gbe mwẹ iran ba mwẹ ifi ẹzọ vbe I ma rẹn ọkpa I ma rẹn eva.

Ẹksọdọs 20:16

“Ghẹ ba mu ẹmwẹ ohoghe ba ọmwaikọmwa.

Ẹksọdọs 23:7

Wa gha lẹ ne ẹmwẹ ne a ba ọmwa ẹre. Wa ghẹ gbe ọmwa ne ọ ma rukhọ rua, rhunmwuda I gha bu ohiẹn uwa gbe ọmwa ne ọ ru emwi dan vberriọ.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Itan 12:17

U gha ta ẹmwata, iwinna ẹmwata ọ re u winna ẹn nii, sokpan ẹmwẹ ohoghe ọ re a la sẹ emwi ne a ma ru ẹse.

Itan 14:5

Emwata ọ re ọ sẹe ne ọ gie a mu ẹtin yan ta ẹghẹ hia; sokpan, ne ẹ i gie a mu ẹtin yan i vbe ta ẹmwẹ ọvbehe gberra ohoghe.

Itan 17:4

Emwa dan ghi gha danmwehọ emwa dan, avbe ọhọn ohoghe ghi vbe gha danmwehọ ohoghe.

Itan 19:28

Ai miẹn ẹmwata vbe ehe ne osẹe ne ọ gualọ emwi ne ọ gha ru ọmwa ẹre ye. Te ọkhọ wa rhiẹnrhiẹn emwa dan.

Itan 19:5

U gha ta ohoghe vbe iko, a gha rri uẹ oya, ẹ i mwẹ vbene a tae hẹ.

Itan 19:9

Ọmwa ne ọ ta ohoghe vbe iko ẹzọ ne ọ gha le ọre fe irrọ, ọghọe fo nẹ.

Itan 21:28

Osẹe ọhọn ohoghe, a i ya ẹe yi, sokpan te a rhie ẹmwẹ ọmwa ne ọ roro ẹmwẹ sotọ nẹ.

Itan 24:28

Ghẹ sẹ osẹe gbe ọmwaikọmwa vbe ne ẹ i na mwẹ otọ esi; ra ne u ya ta ẹmwẹ ne ẹ i gia miẹn otọ ẹmwẹ vbe ekpa ẹre.

Itan 25:18

Ẹmwẹ ne a zẹ ba ọmwa, emwi ne ọ sẹtin gbe ọmwa ran nọ, zẹ vbene umozo ye ra orhokhua ra ifẹnmwẹ ne ọ mu.

Itan 25:23

Ewẹwẹwẹ, ẹ i mwẹ ọ ma ya ohu mu ọmwa, zẹ vbene ẹ i mwẹ amẹ ma lele ẹhoho odẹ okuọ rre.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 19:16

Ghẹ ba ọmwarhọkpa ohoghe. A deghẹ te a gu ọmwa gui ẹzọ uhunmwu, ya guan a deghẹ osẹe ruẹ gha sẹtin yọre obọ. Mẹ ọ re Nọyaẹnmwa.

Matiu 19:18

Rẹn keghi vbe nọ Jesu wẹẹ, “De uhi ne ọ khin?” Jesu keghi wanniẹn, “Ghẹ de izigha, ghẹ ghẹẹ, ghẹ rhaa, ghẹ ta ohoghe.

Iyẹn ne ọ Maan Ọghe Luk 19:8

Zakiọs keghi guakpao, ọ wẹẹ, “Danmwehọ mwẹ enọwanrẹn, I gha waa emwi ne I mwẹ ye ihe eva nẹ, I gha viọ obọkpa ne avbe ivbiogue. Adeghẹ I vbe gbe ọmwaikọmwa rhu, I gha ha ẹre werriegbe nẹẹn ukhukhu enẹ.”

Iyẹn ne ọ Maan Ọghe Luk 3:14

Ivbiyokuo eso kevbe nọ rẹn wẹẹ, “Ma vbe vbo? Demwi ne ima gha ru?” Rẹn tama iran wẹẹ, “Ghẹ ye iwo vbe egbe aro ra ẹzọ na mu kun ọmwa miẹn ọmwa rhọkpa emwi, gie igho ne a hae nuẹn su ọ ọkẹn.”

Iyẹn ne ọ Maan Ọghe Jọn 7:51

“Zẹ vbene Uhi ima khare, vbe ẹ i re te a họn ne unu ọmwa nẹ ne avbe rẹn otọ emwi ne ọ ru a i sẹtin bu abe gbe ẹe.”

Ebe ne Pọl gbẹẹn gie emwa Rom 3:8

A ghi wa tae vbe nian khekherriọ wẹ, “Wa gie ima wa gha ru emwi dan ne emwi ne ọ maa miẹn ehe na gha rre ẹmwata,” emwa eso wa rhia mwẹ eni ruan nẹ vbe ne iran na ba mwẹ ifi ẹzọ wẹ erriọ ọre imẹ kha re. A gha hu ahe gbe iran na, zẹ vbene ọ kere ne iran.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Diuteronomi 5:20

“ ‘Ghe ba ọmwa ifi ẹzọ ohoghe.

II Timoti 3:3

Iran i ghi mwẹ itohan, iran ghi rri vbe ekhọe, iran ghi ye unu rhia ọmwa ran, iran ghi gha yin uyinmwẹ ikẹtin, aro iran ghi gha kpannọ ugiọnmwẹ erhẹn, ohu emwi ne ọ maa ghi gha mu iran.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.