Ẹksọdọs 22:30 - Edo Bible (E Baibol Ẹdo) Version 1996

³⁰ Wa ghi vbe ya ọmọ ne ẹmila uwa kevbe ohuan uwa ka gha bie mẹ, ọwọe ne okaro ghi gbe ẹdẹ ihinrọn vbe obọ iye zẹẹ, ikpẹdẹ ne ogierẹnrẹn, wa ghi ya ẹe zọ ese mẹ.

Ẹksọdọs 22:30 ပူးပေါင်းရင်းမြစ်များ

Ẹksọdọs 13:12

wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 11:45

Mẹ ọrọre Nọyaẹnmwa ne ọ viọ uwa ke Igipt ladian, ne I mẹ sẹtin gha re Osanobua rua. Wa ghi gha re ne ọ huanrẹn, rhunmwuda ọmwa ne ọ huanrẹn mẹ khin.”

Levitikọs 12:3

Vbe ikpẹdẹ ne ogierẹnrẹn, a ghi rhuẹ ọmọ nii.

Levitikọs 17:15

Ọmwaikọmwa, ne ọ rri emiowo aranmwẹ ne ọ de wu, ra ne aranmwakọn gbe, ọ re ivbi Izrẹl nọ ra orhunmwuyẹn. ọ ghi họ ukpọn rẹn, ọ ghi khuẹ, ọ ghi ziengbe sẹ ota, a ke do kha ighẹ awua i ghi guẹe.

Levitikọs 22:8

We ne ọ ghẹ rri emiowo aranmwẹ ne ọ wu uwu ẹhi, ra ne aranmwakọn gbe. Ọ gha mu awua gie ẹe. Mẹ ọ re Nọyaẹnmwa.

Levitikọs 7:23

“Ne ọ viọ ne ivbi Izrẹl. A ghẹ rri ẹvbi ẹmila, ohuan ra ẹwe.

Levitikọs 7:24

A ghẹ rri aranmwẹ ne ọ wu uwu ẹhi, ra ne aranmwẹ ọvbehe gbua, sokpan a sẹtin ya ẹe ru emwi ọvbehe ne ọ rhirhi gha khin.

Levitikọs 7:26

Ehe ne ọ rhirhi a khọn ivbi Izrẹl ne iran gha ye, iran ghẹ danmwẹ ọẹn ne a ye esagiẹn ahianmwẹ ra aranmwẹ ru evbare re.

Diuteronomi 14:21

“Ghẹ rri aranmwẹ ne uwu ẹhi gbe. U sẹtin gie avbe erhunmwuyẹn ni rre ẹbu uwa rri ọe ra ne u khiẹn ọẹn ne avbe erhunmwuyẹn ọvbehe. Sokpan ọghe Nọyaẹnmwa Osanobua uwa ọ re uwa khin, emwa ẹnrẹn wa khin, ghẹ lẹ ovbi ohuan ra ovbi ẹwe vbe uwu ẹwẹn iye ẹe.

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.