Ẹksọdọs 22:28 - Edo Bible (E Baibol Ẹdo) Version 1996

²⁸ “Ghẹ fi unu gie Osanobua, ghẹ kpa unu ghe ọkaolotu emwa ruẹn.

Ẹksọdọs 22:28 ပူးပေါင်းရင်းမြစ်များ

II Samuẹl 16:5

Ugbẹn vbe Devid ne ọba ghi sẹ Bahurim, ọtẹn e Sọl ọkpa ne a tie ẹre Simẹi ne ovbi e Gera, keghi bu ẹre gha dee, ọ na wa gha rhovbiẹ ọe vbene ọ wa ya dee nii.

II Samuẹl 16:9

Ẹre Abisiai ne ovbi e Zeruaia na tama ọba wẹẹ, “Umogun, vbọzẹ ne u na rhie ẹghẹ ne ovbiakota na ya gha rhovbiọ yi? Gun mwẹ bu ẹre ne I ya fian ẹre uhunmwu fua!”

II Samuẹl 19:21

Ẹre Abisiai ne ovbi e Zeruaia na ni urhu ladian wẹẹ, “Ọmwa ne a gbe ua ọre Simẹi khin rhunmwuda, ọ kpa unu ghe ọmwa ne Nọyaẹnmwa hannọ ne ọ gha re ọba.”

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

Psalm 138:1

Ekhọekekhọe mwẹ hia, ọ re I ya kpọnmwẹ ọn Nọyaẹnmwa, mẹ so ihuan rho ruẹ, sirra avbe iran ne ẹbọ.

Psalm 32:6

Erriọ ọ re emwa ruẹn ni mudia ẹse hia, gha na erhunmwu ghe ruẹ vbe ẹghẹ a i mwẹ, ẹghẹ ne amẹ orueghe ne ọ bun, gha na gha vẹ rre ẹ i ghi sẹ ehe ne iran ye.

Ẹksọdọs 13:12

wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Asan-Ibo 10:20

Ghẹ gbodan ghe ọba, ọ gha khọn rẹn ne ọ gha re vbe ẹkhokho, ghẹ gbodan ghe ọmwa ne ọ fe, ọ gha khọn rẹn ne ọ gha re vbe ẹkhokho ughugha ruẹ nọ. Ahianmwẹ sẹtin rhie ẹmwẹ nii kpao, ọ ghi ya tama iran ẹmwẹ ne u tae.

Levitikọs 24:11

(Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Levitikọs 24:15

Iyeke ọnii, u ghi tama ivbi Izrẹl wẹẹ ọmwa ne ọ rhirhi tie ihẹn ne Osa, uhunmwu ọ ra ya yọ,

Levitikọs 24:16

a ghi gbe ẹe rua. Ovbi Izrẹl ra orhunmwuyẹn ne ọ tie ihẹn ne Osa, te emwa hia gha filo okuta gbe ẹe rua.

Iwinna 23:3

E Pọl tama ẹn wẹẹ, “Osanobua ọ ra fi uẹ emwi wẹ ne egbekẹn ne a gbe orhue yi. U tota ye evba gha bu ohiẹn mwẹ zẹ vbene Uhi khare, levba sevba, u na vbe gha rra uhi vbe uwu ne u na wẹ ne iran fi mwẹ emwi!”

Iwinna 23:5

Pọl wanniẹn wẹ, “Etẹn, I ma rẹn ighẹ Ogie Ohẹn nọ. Rhunmwuda Ebe tae nẹ wẹ, ‘Ohan igie uwẹ ye unu sakan ọmwa ne ọ khaemwisẹ yan emwa ruẹn.’ ”

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

Ebe ne Jud gbẹẹn 1:8

Erriọ ọ vbe ye, avbe emwa na miẹn umian, ne ọ ya iran ru orukhọ ghe egbe iran, iran ghi zan asẹ Osanobua, iran ghi gha ya ukpẹ sakan emwi ni mwẹ uyi ni rre odukhunmwu.

I Samuẹl 24:10

Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.

I Samuẹl 24:6

Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”