Ẹksọdọs 22:22 - Edo Bible (E Baibol Ẹdo) Version 1996

²² Wa ghẹ ru ọmọ ne ẹ i mwẹ erha ra ẹgbẹ khọ.

Ẹksọdọs 22:22 ပူးပေါင်းရင်းမြစ်များ

Job 31:16

“I ma he he ẹdẹ ne I ru iyobọ ne ovbiogue, I ma he giẹ agbọn khan avbe ẹgbẹ ẹdẹ,

Job 34:28

Iran ghi ru ovbiogue ne iran ya tu nọ Osanobua iyobọ, rẹn keghi họn utumwẹ iyobọ, ne iran tu tie ẹre.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Itan 22:23

E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 23:10

Ghẹ vbọ ikhinmwi ne ẹdẹ ne u miẹn ehe na mu otọ ọmọ ne ẹ i mwẹ erha.

Itan 23:11

E Nọyaẹnmwa ọrọre ọmwa ẹtin ne ọ gbinna ne iran, ọ gha guẹ gui ẹzọ iran.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Jerimaia 7:6

Wa ghẹ ghi zẹ ebubẹ ye avbe erriọvbe aro kevbe avbe emọ ni i mwẹ erha kevbe ẹgbẹe. Wa dobọ emwa ni ma rukhọ ne a gbele yi vbe otọe na. Wa dobọ avbe ẹbọ ọvbehe ne uwa ga yi, te ọnii ra miẹn uwa uhunmwu.

Jerimaia 7:7

Wa gha fiwerriẹ, I gha gie uwa gha rre otọe na ne I mu ne avbe erha uwa odede ne ọ gha re ọghe iran ẹdẹdẹmwẹdẹ.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Zẹkaraia 7:10

Wa ghẹ wọ avbe ẹgbẹe uhunmwu, ra avbe emọ ne ẹ i mwẹ erha, avbe erhunmwuyẹn ni do gu uwa yin ẹvbo ra ọmwaikọmwa ne ọ vbabọ emwi eso. Wa ghẹ vbe khuan khẹ egbe vbene uwa gha ya ru egbe emwi ikuangbe hẹ.’

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 23:14

“U miẹn agbọn ne uwa ye, eni ma emwa Uhi kevbe Farisi, ayunukpaegbe! Wa miẹn ehe na la avbe ẹgbẹ egbe, wa do iran emwi hia viọ fo, wa keghi gha na erhunmwu ne ọ taẹn ọ ghe ne a ba bẹghe mwẹ. Ena ọre a gha rhunmwuda ẹre rria uwa ikhi sayọ.]

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 15:9

Ghẹ kha i ghẹ ui ghi rhie emwi ne ẹẹn mọmọ rhunmwuda ighẹ ukpo ne a na ya igho ma ọmwa i ghi rrei. Ghẹ gie iro dan vberriọ la ruẹ ekhọe. U gha he ne u rhie igho nii ne ẹẹn mọmọ, ọ gha viẹ yuẹ urhu ma e Nọyaẹnmwa, a ghi ka a ye ọmwa ne ọ rria abe.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Diuteronomi 24:18

Yerre wẹ eviẹn wa gha khin vbe Igipt, ẹre Nọyaẹnmwa Osanobua rua na do fannọ uwa vbe irri. Ọnii ọ zẹe ne I na gba uhi na ne uwa.

Diuteronomi 27:19

“ ‘Ihẹn Osanobua rre uhunmwu ọmwa ne ọ gban emwi ne ọ sẹ orhunmwuyẹn, emọ ne ẹ i mwẹ erha kevbe ẹgbẹ egbe hin ẹre obọ rre.’ “Emwa ni hia ghi kha wẹẹ, ‘Isẹ!’

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.