Ẹksọdọs 22:21 - Edo Bible (E Baibol Ẹdo) Version 1996

²¹ “Wa ghẹ ya obọ dan mu orhunmwuyẹn ra ne a ru ẹe khọ, yerre wẹ orhunmwuyẹn wẹ vbe gha khin vbe Igipt.

Ẹksọdọs 22:21 ပူးပေါင်းရင်းမြစ်များ

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Psalm 146:9

Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 23:9

“Wa ghẹ ye obọ dan mu orhunmwuyẹn, rhunmwuda wa rẹn agbọn ne orhunmwuyẹn ye rhunmwuda wa te vbe gha re orhunmwuyẹn yi vbe Igipt.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 7:6

Wa ghẹ ghi zẹ ebubẹ ye avbe erriọvbe aro kevbe avbe emọ ni i mwẹ erha kevbe ẹgbẹe. Wa dobọ emwa ni ma rukhọ ne a gbele yi vbe otọe na. Wa dobọ avbe ẹbọ ọvbehe ne uwa ga yi, te ọnii ra miẹn uwa uhunmwu.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Levitikọs 19:33

“Wa ghẹ ru avbe orhunmwuyẹn ni rre ẹvbo uwa khọ.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Levitikọs 25:35

“A deghẹ ovbi Izrẹl ne ihua ne ọ yin diake uẹ khian ovbiogue ighẹ ẹ i ghi sẹtin koko egbe ẹre, u ghi gha koko ẹe zẹ vbe ne u gha koko ọmwa ne u rhie vbe iwinna ne ọ miẹn ehe na sẹtin gha yin diake uẹ.

Zẹkaraia 7:10

Wa ghẹ wọ avbe ẹgbẹe uhunmwu, ra avbe emọ ne ẹ i mwẹ erha, avbe erhunmwuyẹn ni do gu uwa yin ẹvbo ra ọmwaikọmwa ne ọ vbabọ emwi eso. Wa ghẹ vbe khuan khẹ egbe vbene uwa gha ya ru egbe emwi ikuangbe hẹ.’

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Diuteronomi 1:16

Vbe ẹghẹ nii, I keghi rhie igiodẹ ne iran wẹẹ, ‘Wa gha danmwehọ imuaẹmwẹ ni rre uwu avbe emwa uwa. Wa ghi gha bu ohiẹn ẹmwata, ọ re emwa uwa ọkpa ọ re ẹzọ sunu na ra te ọ vbe dekan avbe orhunmwuyẹn ni rre uwa ẹvbo.

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 10:19

Rhunmwuda ọnii, wa gha ho ẹmwẹ avbe erhunmwuyẹn nii, rhunmwuda, erhunmwuyẹn wa vbe khin vbe Igipt.

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 23:16

Ọ sẹtin ya yin ẹvbo ne ọ yẹ ọ re vbe otọe ruẹ, a ghẹ vbe gha ru ẹe khọ.

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Diuteronomi 27:19

“ ‘Ihẹn Osanobua rre uhunmwu ọmwa ne ọ gban emwi ne ọ sẹ orhunmwuyẹn, emọ ne ẹ i mwẹ erha kevbe ẹgbẹ egbe hin ẹre obọ rre.’ “Emwa ni hia ghi kha wẹẹ, ‘Isẹ!’