Ẹksọdọs 22:20 - Edo Bible (E Baibol Ẹdo) Version 1996

²⁰ “Omwa gha zọ ese ghe osa ọvbehe vbe ọ gberra ne Nọyaẹnmwa wa ghi gbe ẹe rua.

Ẹksọdọs 22:20 ပူးပေါင်းရင်းမြစ်များ

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

II Ọba 10:25

Ọwarọkpa vbe Jehu ghi wa mu emwi imuohan ye evba nẹ, ọ keghi tama avbe ọbodẹ kevbe avbe ọkaokuo wẹẹ, “Wa la owa ne uwa ya gbele iran hia a, wa ghẹ gie ọkpa lẹ fe vbọ!” Iran keghi la owa. Iran na yuo umozo ua, iran na gbele iran hia a, iran na silo ikun iran ladian. Iran keghi la uwu ẹgun ne ọ wa ke uwu aro ẹbọ sẹẹ.

II Krọnikol 15:13

Ọmwaikọmwa ne ọ ma ga ẹe, ọdiọn nọ ra ọvbokhan nọ, okpia nọ ra okhuo nọ, a gha gbe ẹe rua.

Ẹksọdọs 23:9

“Wa ghẹ ye obọ dan mu orhunmwuyẹn, rhunmwuda wa rẹn agbọn ne orhunmwuyẹn ye rhunmwuda wa te vbe gha re orhunmwuyẹn yi vbe Igipt.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ẹksọdọs 34:15

Ghẹ gu emwa ẹvbo nii ru emwamwa emwi, iran gha ru ẹbọ iran, iran na zọ ese ghe iran, iran sẹtin rẹrẹ uẹ ya uwẹ rri evbare ne iran ya zọ ese ghe ẹbọ iran.

Ezikiẹl 20:7

I keghi tama iran ne iran viọ ẹbọ osọnnọ ne iran ho ẹmwẹ ọnrẹn kua, kevbe ne iran ghẹ ye ẹbọ ohoghe ọghe Igipt mu awua ye egbe iran egbe, rhunmwuda, mẹ ọrọre Nọyaẹnmwa ne Osanobua iran

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 19:33

“Wa ghẹ ru avbe orhunmwuyẹn ni rre ẹvbo uwa khọ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Nọmbas 21:3

E Nọyaẹnmwa keghi họn ọghe iran, ọ keghi yi iran obọ ne iran ya khọn Kenan mu otọ. Ivbi Izrẹl keghi fuẹn iran kevbe ẹvbo iran uan. Iran kegha tie evba nii Họma.

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 18:20

Sokpan, a na miẹn akhasẹ ne ọ gha ye eni mwẹ guan vbe I ma gie ẹe ne ọ ru vberriọ, uhunmwu ọ ya khiẹ ọ re, erriọ vbe nọ ne dọmwadẹ akhasẹ ne ọ ya eni ẹbọ ọvbehe gha guan.’

Diuteronomi 23:8

Emọ ne iran biẹlẹe, a sẹtin ke orre ne ogieha ka iran ba emwa e Nọyaẹnmwa.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.