Ẹksọdọs 21:8 - Edo Bible (E Baibol Ẹdo) Version 1996

⁸ A deghẹ ọ ma yin ẹse da arowa ẹre ne ọ te ho ne ọ gha re ọkpa vbe uwu avbe amwẹ ọnrẹn, rẹn sẹtin gie erha ẹre dẹ ọe werriegbe, ẹ i mwẹ asẹ ne ọ gha ya khiẹn ọẹn ne orhunmwuyẹn, rhunmwuda, uyinmwẹ nii ma gba.

Ẹksọdọs 21:8 ပူးပေါင်းရင်းမြစ်များ

Gẹnẹsis 28:8

Eghẹ nii, Isọ na do rẹn wẹ Aizik ne erha ẹe i ho ẹmwẹ ikhuo Kenan.

Job 6:15

Sokpan wa ne avbe ọse mwẹ, wa keghi he mwẹ zẹ vbe ẹzẹ ne ọ kae vbe amẹ ma rhọ.

Ẹksọdọs 21:7

“Omwa gha khiẹn ovbi ẹre ne okhuo zẹ vbe ọviẹn, ẹ i re vbene a ya fan ọviẹn ne okpia fua a gha ya gha fan ẹn fua.

Ẹksọdọs 21:9

Deghẹ ọmwa dẹ okhuo, wẹ ne irẹn rhie ẹre ne ovbi irẹn ne okpia, ọ ghi gha ya obọ ne ọ ya mu ivbi ẹre nikhuo muẹn.

Ẹksọdọs 8:29

E Mosis keghi kha wẹẹ, “I gha wa da kpao, I gha na erhunmwu ghe Nọyaẹnmwa ne a miẹn wẹ akhuẹ, ikian gha sẹ uẹ rae, kevbe ekhaẹmwẹ ruẹn kevbe emwa ruẹn, sokpan ghẹ ghi dọlegbe hiẹ ima vbe ekpa ne u i na gie emwa nii ya zọ ese ghe Nọyaẹnmwa.”

Ezikiẹl 15:8

Iran ma ya ekhọe esi gun mwẹ yin, rhunmwuda ọnii, I gha ya ore ẹvbo nii khian oha.” E Nọyaẹnmwa ne Udazi guaan nẹ.

Diuteronomi 20:7

Arhin eso rre emwa ne ọ ga ye ọmọ ne ọ ra rhie ra? Adeghẹ ọrrọọ ọ sẹtin gha rrie owa. Ne a ghẹ miẹn wẹ adeghẹ a gbe ẹe vbe okuo, ọmwa ọvbehe ghi ya rhie okhuo ne ọ ga yi.’

Giọgis 14:3

Sokpan, erha ẹe vbe iye ẹe keghi tama rẹn wẹẹ, “Vbe u a ghi ra ya rhie okhuo hẹ yi vbe ivbi e Filistia ni ga ẹbọ? We ma ghi miẹn ọmọ okhuo rhọkpa vbe avbe ivbi etuẹn ra vbe uwu avbe ivbi emwa ruẹn?” Sokpan Samsin tama erha ẹe wẹẹ, “Rẹn ọre I we ne u rhie mẹ, ẹmwẹ ọnrẹn yẹ mwẹ.”

Giọgis 9:19

Rhunmwuda onii nian a deghẹ emwi esi wa ru ghe Gidiọn kevbe ẹgbẹe ọre vbe ne ọ ke ekhọe rre, wa gie ẹko Abimẹlẹk gha rhiẹnrhiẹn uwa ne ẹko uwa vbe gha rhiẹnrhiẹn irẹn.

I Samuẹl 18:8

Ọ na ma rhiẹnrhiẹn e Sọl, ohu keghi mu ẹẹn ẹsẹse. Ọ keghi kha wẹẹ, “Iran ye avbe arriaisẹn igbigbe so eni e Devid sokpan avbe arriaisẹn ọkpa iran ya so eni mwẹ. Emwi ọkpa ne ọ ghi dekẹe ne ẹẹn nian ọrọre ne iran do ma ẹre ọba.”

I Samuẹl 8:6

Ẹko e Samuẹl ma rhiẹnrhiẹn ye ne iran na nọ ọba na, ọ keghi rhunmwuda ọnii na erhunmwu ghe Nọyaẹnmwa.