Ẹksọdọs 21:6 - Edo Bible (E Baibol Ẹdo) Version 1996

⁶ ẹghẹ nii, arowa ẹre ghi rhie ẹre bu Osanobua gha dee, ọ ghi rhie ẹre gha die onurho ra ọkpẹn ẹkhu, ọ ghi ha ẹre ehọ. Rẹn ghi do gha re ọviẹn ọ te ya wu.

Ẹksọdọs 21:6 ပူးပေါင်းရင်းမြစ်များ

I Ọba 12:7

Iran wanniẹn wẹẹ, “A deghẹ u ho ne u gele ga iran na ẹse, rhie ewanniẹn ne ọ rhiẹnrhiẹn ne iran, iran gha vbe gha ye ekhọe hia ga uwẹ.”

Psalm 82:1

Osanobua miẹn agba dia vbe iko ẹrinmwi, vbe iko ne avbe ẹrinmwi do, rẹn ọ re ọ kha vbene irẹn tae yi hẹ:

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Ẹksọdọs 21:22

“Ikpia gha gbinna iran na fi ẹkpoliyẹkẹ emwi, ọ na kpannọ kua sokpan ọ ma miẹn ikuangbe ọvbehe rhọkpa, a ghi fian ọmwa ne ọ fi ẹre emwi nii, emwi ne ọdafẹn ọnrẹn a rhirhi nọ, ọ ghi ha ẹre zẹ vbene nọbuohiẹn ta ẹe yi.

Ẹksọdọs 21:5

Sokpan deghẹ ọviẹn nii ghi kha wẹẹ, ‘Ẹmwẹ arowa mwẹ da mwẹ kevbe ọvbokhan mwẹ kevbe ivbi mwẹ I i ho ne I rhan egbe,’

Ẹksọdọs 21:7

“Omwa gha khiẹn ovbi ẹre ne okhuo zẹ vbe ọviẹn, ẹ i re vbene a ya fan ọviẹn ne okpia fua a gha ya gha fan ẹn fua.

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Levitikọs 25:23

“Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

Levitikọs 25:40

Ọ ghi gha guẹe zẹ vbe ọmwa ne a rhie vbe iwinna, ọ ghi gha gaa ọ tedo sẹ ukpo Afanvbirri ne ọ lele ẹe.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Diuteronomi 1:16

Vbe ẹghẹ nii, I keghi rhie igiodẹ ne iran wẹẹ, ‘Wa gha danmwehọ imuaẹmwẹ ni rre uwu avbe emwa uwa. Wa ghi gha bu ohiẹn ẹmwata, ọ re emwa uwa ọkpa ọ re ẹzọ sunu na ra te ọ vbe dekan avbe orhunmwuyẹn ni rre uwa ẹvbo.

Diuteronomi 15:16

“Sokpan avbe eviẹn sẹtin kha ighẹ iran i rrie rhunmwuda, ọ ho ẹmwẹ ruẹn kevbe ẹgbẹe ruẹ, ẹko vbe vuọẹn.

Diuteronomi 15:17

Ẹghẹ nii, u ghi rhie ẹre gha rrie onurho owa ruẹ, u ghi ha ẹre ehọ vbe evba, ọ ghi gha re ọviẹn ruẹn vbe ẹdẹ agbọn rẹn hia. Erriọ u gha vbe ru avbe eviẹn ruẹn ne ikhuo.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

I Samuẹl 1:22

Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”

I Samuẹl 27:12

Akis keghi mu ẹtin yan Devid, ọ wẹẹ, “Ivbi Izrẹl ne emwa rẹn khu iwu ẹre sẹrriọ wẹ mẹ ọ re ọ ra gha ga ẹdẹdẹmwẹdẹ.”

I Samuẹl 28:2

E Devid keghi wanniẹn wẹẹ, “Wẹ rẹnrẹn wẹ ọguọmwadia ruẹ ọ re I khin, wẹ tobọ gha vbe miẹn emwi ne I gha ru.” Akis keghi kha wẹẹ, “Ọ wa maa, I gha ya ẹe ru ne I ya khẹ egbe mwẹ ẹdẹdẹmwẹdẹ.”