Ẹksọdọs 21:29 - Edo Bible (E Baibol Ẹdo) Version 1996

²⁹ Sokpan, a deghẹ ẹmila nii ka zẹ emwa khu dee yi ighẹ a vbe gie enarẹn rẹn vbene ọ ma na gba ogba muẹn yi, ọ gha gbe okpia ra okhuo, a ghi filo okuta gbe ẹe rua, a ghi vbe gbe enọyan rẹn rua.

Ẹksọdọs 21:29 ပူးပေါင်းရင်းမြစ်များ

Gẹnẹsis 9:5

A deghẹ ọmwaikọmwa gbe ọmwa, uwu ọre I ra ya rria ẹre ikhi. Aranmwẹ ne ọ rhirhi gbe ọmwa, I gha fuọn ruan, I gha vbe rri ọre oya ighẹ ọmwaikọmwa ne ọ de ihua re izigha.

Ẹksọdọs 21:28

“Ẹmila gha sua okpia ra okhuo gbe uẹ ua, a ghi filo okuta gbe ẹe rua, a ghe vbe rri aranmwẹ ọnrẹn. Sokpan a i ra rri enọyan rẹn oya.

Ẹksọdọs 21:30

Sokpan, a deghẹ a fian igho nẹẹn ya de uhunmwu, ọ ghi ha igho hia ne a nọ rẹn ne ọ ya de uhunmwu.

Ẹksọdọs 21:36

Sokpan a gha rẹn wẹ erriọ ẹmila na ka gbinna yi ighẹ enarẹn ma gba ogba muẹn yi, ọ ghi mu osa hae, ọ ghi mu ẹmila nọ ma wu ya ha osa e nọwu nii, ẹmila nọwu nii ghi khian ọghọe.