Ẹksọdọs 21:26 - Edo Bible (E Baibol Ẹdo) Version 1996

²⁶ “Omwa gha fi ọviẹn ọnrẹn ne okpia ra ne okhuo emwi vbe aro ighẹ ọ na rhu, ọ ghi fan ọviẹn nii fua ne ọ ya ha ẹre osa aro ẹre.

Ẹksọdọs 21:26 ပူးပေါင်းရင်းမြစ်များ

Nehimaia 5:5

Ivbi agbọn ẹvbo ọkpa ọ re ima vbe avbe Ju ne ihomwa gba khin. Vbene ivbi iran maa sẹ ọ re ivbi ima vbe maa sẹ. Sokpan te ima ya ivbi ima ru ọviẹn. A khiẹnnẹ eso vbe uwu ivbi ima nikhuo eviẹn nẹ. Ọghe ima fo rhunmwuda, a miẹn ima ugbo kevbe ogba azara mwa.”

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 10:18

U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Ẹksọdọs 21:20

“Omwa gha ya ukpokpo fi ọviẹn emwi, ọre okpia nọ ra okhuo, ighẹ ọ na wu vbe ọwarọkpa nii, a ghi rri ọmwa nii oya.

Ẹksọdọs 21:24

Aro ye ihe aro, akọn ye ihe akọn, obọ ye ihe obọ, owẹ ye ihe owẹ,

Ẹksọdọs 21:25

ẹwẹn erhẹn ye ihe ẹwẹn erhẹn, ikuan egbe ye ihe ikuan egbe, eguọguọ ye ihe eguọguọ.

Ẹksọdọs 21:27

A deghẹ ọ kpan ẹre akọn, ọ ghi fan ọviẹn nii fua ne ọ ya ha ẹre osa akọn rẹn.

Ẹfisọs 6:9

Wa ne arowa, wa vbe gha yin ghe eviẹn uwa vberriọ, wa da obọ aro ne a zẹ mu iran yi. Wa yerre wẹ, ke uwa kevbe eviẹn uwa, arowa ọkpa ọre uwa mwẹ vbe ẹrinmwi, obọ ọkpa ọre irẹn ya mu emwa hia.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.