Ẹksọdọs 21:20 - Edo Bible (E Baibol Ẹdo) Version 1996

²⁰ “Omwa gha ya ukpokpo fi ọviẹn emwi, ọre okpia nọ ra okhuo, ighẹ ọ na wu vbe ọwarọkpa nii, a ghi rri ọmwa nii oya.

Ẹksọdọs 21:20 ပူးပေါင်းရင်းမြစ်များ

Gẹnẹsis 4:15

Sokpan Nọyaẹnmwa ke wanniẹn ọre ẹmwẹ wẹẹ, “Ẹ i re erriọ. Ọmwaikọmwa ne ọ rhirhi gbe uẹ ua, uhunmwu arhin ihinrọn ọre a ra ya rria ẹre ikhi ẹre.” Nọyaẹnmwa ke rhunmwuda ọnii yi e Keni ama ne ọmwa ne ọ rhirhi miọẹn ghẹ gbẹe rua.

Gẹnẹsis 4:24

A deghẹ uhunmwu arhin ihinrọn ọre a ya ha osa vbe ọmwaikọmwa gha gbe Keni uan uhunmwu arhin ehairrọvbiyenẹ ọre a gha ya ha osa adeghẹ ọmwaikọmwa gbe mwẹ uan.”

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Ẹksọdọs 21:19

a na miẹn wẹ ọ ye sẹtin do gha khian, a gha rhe miẹn wẹ ọkpọ ọre ọ ghi ya tua otọ, ọmwa ne ọ fi ẹre emwi nii ghi ha osa ẹghẹ ne ọ miẹn ẹre re, ọ ghi gha gbe aro ghe ẹre egbe te do rran rẹn.

Ẹksọdọs 21:21

Sokpan, a deghẹ ọviẹn ye ya ikpẹdẹ ọkpa ra eva vbe agbọn, a i ghi rri arowa ẹre oya. Emwi obọ ẹre ne ọ rhiae nii sẹ ẹe.

Itan 29:19

U i sẹtin ye aguọmwaguan okpa dia ọguọmwadia ye odẹ. Ọ sẹtin rẹn emwi ne u ta vbe ne ẹ i na zẹ ye uẹ ẹre.

Nọmbas 35:19

Ọtẹn ọmwa ne ọ wu nii, ne ọ ghi sikẹ ọre sẹ ọ re ọ bi ye ọre egbe ne ọ gbe ọmwa ne ọ de izigha nii uan. Ọ gha miẹn ọẹn, ọ ghi gbẹe.

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

Diuteronomi 19:21

Wa ghẹ tohan ọmwa rhọkpa, oya ne ọ gha re ghi gha re, wẹ ne ọ gbe ọmwa, a ghi vbe gbe ẹe rua, ne ọ rhu ọmwa aro ọkpa, a ghi vbe rhu ẹre aro ọkpa, akọn ọkpa ye ihe akọn ọkpa, obọ ye ihe obọ, owẹ ye ihe owẹ.”