Ẹksọdọs 21:16 - Edo Bible (E Baibol Ẹdo) Version 1996

¹⁶ “Omwa ne ọ ya ẹtin mu ọmwa ọvbehe, ọre ne ọ mu ẹn ye ima nọ ra ne ọ ya khiẹn ọẹn, te a gha gbe ẹe rua.

Ẹksọdọs 21:16 ပူးပေါင်းရင်းမြစ်များ

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Ẹksọdọs 20:15

“Ghẹ rha a.

Ẹksọdọs 21:15

“Ọmwaikọmwa ne ọ fi erha zẹẹ ra iye zẹẹ emwi, te a gha gbe ẹe rua.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

Arhie Maan 18:12

Ọmwa rhọkpa ma ghi dẹ igoru iran kevbe esiliva kevbe ukpọn ododo, esiliki kevbe ukpọn nọ baa rriẹrriẹ, avbe erhan ne a i rherhe miẹn nii hia, kevbe avbe emwi hia ne a ye akọn eni ru, kevbe erhan ne ọ ghan ẹsẹse, emwi ne a ya oze ru kevbe ematọn kevbe okuta ẹrọnmwọ.