Ẹksọdọs 21:14 - Edo Bible (E Baibol Ẹdo) Version 1996

¹⁴ Sokpan, ohu gha mu ọmwa ọ na wa rẹn gbe ọmwa ọvbehe ya, wa sẹtin kue si ẹe hin aka mwẹ rre ne a ya gbe ẹe rua.

Ẹksọdọs 21:14 ပူးပေါင်းရင်းမြစ်များ

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Ọba 11:15

Jehoiada ma ho ne a gbe Atalia a ye uwu Ọgua Osa, ọ keghi rhunmwuda ọnii tama avbe ekaokuo, wẹẹ, “Wa mu ẹẹn la ẹkpo uviẹn ne avbe ọbodẹ tẹn rẹn na, ọmwa ne ọ gha hia ne ọ faẹn, wa gbe ẹe rua.”

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Ẹksọdọs 21:15

“Ọmwaikọmwa ne ọ fi erha zẹẹ ra iye zẹẹ emwi, te a gha gbe ẹe rua.

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Nọmbas 35:16

Sokpan, a deghẹ ọmwa ya emwi igbinna gbe ọmwa ran, a deghẹ ematọn nọ ra okuta ra erhan, ọ rriabe izigha, te a gha gbẹe rua.

Diuteronomi 1:43

I keghi vbe tama uwa vbene Nọyaẹnmwa kha hẹ, sokpan wa ma zẹ yọ, wa keghi sọtẹ ghe ẹre, wa na ye uhiomwẹ uwa khọn la avbe ẹvbo oke nii.

Diuteronomi 18:22

A deghẹ akhasẹ ya eni e Nọyaẹnmwa guan ighẹ ẹmwẹ ne ọ ta ẹe ma sẹ, a ghi rẹn ighẹ ẹ i re Nọyaẹnmwa ọ re ọ gie ẹe. Akhasẹ ni ẹmwẹ obọ ẹre ọ re ọ ta ẹe, wa ghẹ gha mu ohan rẹn.”

Diuteronomi 27:24

“ ‘Ihẹn Osanobua rre uhunmwu ọmwa ne ọ do gbe ọmwa ọvbehe ua.’ “Emwa ni hia ghi kha wẹẹ, ‘Isẹ!’

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.