Ẹksọdọs 21:1 - Edo Bible (E Baibol Ẹdo) Version 1996

¹ “Uhi na u ra gbe ma ivbi Izrẹl:

Ẹksọdọs 21:1 ပူးပေါင်းရင်းမြစ်များ

I Ọba 6:12

“U gha ya uhi mwẹ hia ru emwi I gha ru emwi ne I ve Devid ne erha re hia ne uẹn.

II Krọnikol 19:10

Ẹghẹikẹghẹ ne emwa ẹvbo na ne ihua a ya do gui ma uwa vbe ekpa izigha ọyẹvbu, ra a rra uhi, ra iyi ne ọ rhirhi a gha khin, wa ghi hẹko ma iran ẹre vbene iran gha ru hẹ vbe iran a gha gui ẹzọ nii, ne iran ghẹ ya rra uhi ọghe a rukhọ ghe Nọyaẹnmwa. Deghẹ ẹ i re te uwa ru vberriọ, wẹ kevbe emwa ẹvbo ruẹ ne ihua gha họn ẹmwẹ obọ ne ọ tọn ọghe ohu e Nọyaẹnmwa vbe egbe. Sokpan, a dẹghe wa winna iwinna uwa, wa i ra rri abe.

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Psalm 147:19

Ọ gie uhunmwu gie emwa rẹn, igiodẹ ọre ke uhi ẹre ne ivbi Izrẹl.

Ẹksọdọs 19:7

Ẹre Mosis na ya tie avbe olotu emwa nii si koko, ọ na ta ẹmwẹ hia ne Nọyaẹnmwa yi ẹre iyi ma iran.

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Ezikiẹl 20:25

Vbe iyekọnii, I keghi do rhie uhi ne ẹ i ma ne iran, kevbe iyi ne ẹ i rhie arrọọ gie ọmwa.

Levitikọs 18:26

Iran ke ru a i ghẹru na hia, iran na mu awua ye otọe nii, sokpan wa ghi rhie owẹ lele uhi kevbe ilele ọghe Nọyaẹnmwa, a ghẹ gie a miẹn ọmwarhọkpa vbe uwu uwa, ọre ovbi Izrẹl nọ ra orhunmwuyẹn ni rre ẹbu uwa, ne ọ gha ru avbe emwi na.

Levitikọs 18:5

Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.

Levitikọs 19:37

Wa gha ya uhi kevbe ilele mwẹ hia ru emwi. Mẹ ọ re Nọyaẹnmwa.”

Levitikọs 20:22

E Nọyaẹnmwa keghi kha wẹẹ, “Rhie uhi mwẹ mwẹ, ke iyi mwẹ, ne otọe Kenan ne I viọ uwa rrie ghẹ zẹ uwa owẹ.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Nọmbas 35:24

Ọ gha ye vberriọ, ẹvbo ghi bu ohiẹn ne ọmwa ne ọ gbe ọmwa nii uan, i ghẹ ẹ i re etẹn ọmwa nọ wu nii, ni ho ne iran rria ikhi.

Nọmbas 36:13

Enena ọrọre emwamwa kevbe ilele ne Nọyaẹnmwa viọ ne Mosis viọ ne ivbi Izrẹl vbe avbe otọe ne ọ rriẹe ọghe Moab vbe a la Jẹriko fian Ẹzẹ Jọdan rra.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Diuteronomi 15:12

“A deghẹ ovbi Izrẹl ne ihua, khiẹn egbe ẹre ọviẹn ne uẹn, ọ re okpia ra okhuo nọ, ọ gha ghi ga a la ukpo ehan nẹ, u ghi gie ẹe gha rrie. Ukpo ne ogihinrọn gha gba, u ghi gie ẹe gha rrie ọghe ọhẹ.

Diuteronomi 4:14

E Nọyaẹnmwa tama mwẹ wẹ ne I ma uwa uhi hia ne uwa gha ya gha ru emwi vbe otọe nii ne uwa ra gu khọn ne uwa vbe yin ẹnrẹn.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 4:8

Agbọn ẹvbo ọvbehe i rrọ, vbe ọ khọnrẹn wẹ ne iran kpọlọ sẹ, ne ọ mwẹ uhi ne ọ gbae ne ọ yevbe egbe ne I ma uwa ẹre ẹrẹna.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

Diuteronomi 6:20

“Ẹdẹnakhuẹ, ivbi uwa gha nọ uwa wẹẹ, ‘Vbọzẹ ne Nọyaẹnmwa Osanobua mwa na wẹ ne ima gha ye avbe uhi na hia ru emwi yi?’

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.