Ẹksọdọs 20:8 - Edo Bible (E Baibol Ẹdo) Version 1996

⁸ “Ye Ẹdẹ Ikẹtin rre ne u ya ẹe ru emwi ne ọ huanrẹn ne Nọyaẹnmwa.

Ẹksọdọs 20:8 ပူးပေါင်းရင်းမြစ်များ

Gẹnẹsis 2:2

Vbe ikpẹdẹ ne ogihinrọn, Osanobua keghi winna iwinna ne ọ gha winna hia fo, ọ keghi dobọ iwinna yi.

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 31:12

E Nọyaẹnmwa keghi tama e Mosis wẹẹ,

Ẹksọdọs 35:1

E Mosis keghi tie ivbi Izrẹl hia si koko, ọ keghi tama iran wẹẹ, “Emwi ne Nọyaẹnmwa yi ẹre iyi wẹ ne uwa gha ru ọre ena khin:

Aizaia 56:2

I gha fiangbe iran ni rhie ẹdẹ ikẹtin lẹre vbene iran i na ru emwi ne ọ ma kei vbọ. I gha fiangbe iran ne ẹ i ru emwi dan rhọkpa.”

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Jerimaia 17:21

Tama iran wẹ deghẹ ohan egbe iran to iran, ne iran ghẹ mu ihẹ vbe Ẹdẹ Ikẹtin, iran ghẹ vbe mu emwikemwi la onurho e Jerusalẹm la owa.

Jerimaia 17:22

Ra ne iran vbe mu emwikemwi ladian vbe owa iran vbe Ẹdẹ Ikẹtin, iran ghẹ winna vbe Ẹdẹ Ikẹtin. Iran ghi ya ẹe ru ẹdẹ nọhuanrẹn, zẹ vbe ne I tama avbe erha iran odede.

Jerimaia 17:24

“Tama avbe emwa na ne iran gha ye uhi mwẹ hia ru emwi. Iran ghẹ mu ihẹikeihẹ la onurho ẹvbo nii la owa vbe Ẹdẹ Ikẹtin. Iran ghi gha ru Ẹdẹ Ikẹtin ẹdẹ nọhuanrẹn, iran ghẹ vbe winna iwinna rhọkpa hiehiere.

Ezikiẹl 20:20

Wa ya Ẹdẹ Ikẹtin khian ẹdẹ nọhuanrẹn, ne ọ miẹn ehe na gha re ama ile ne ima gba ta, ọ ghi vbe gha ye uwa rre wẹ mẹ ọrọre Nọyaẹnmwa ne Osanobua uwa.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 19:30

Wa gha ru ugamwẹ Ẹdẹ ikẹtin, wa vbe gha ya ọghọ ne owa ukpọn mwẹ ne ọ huanrẹn. Mẹ ọ re Nọyaẹnmwa.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Levitikọs 26:2

Wa gha ru avbe emwiukpo ugamwẹ nii, wa ghi vbe ya ọghọ ne Owa Ukpọn mwẹ ne ọ huanrẹn. Mẹ ọre Nọyaẹnmwa.

Nọmbas 15:32

Ẹdẹ ọkpa, vbe ivbi Izrẹl he rre uwu ẹgbo, iran keghi miẹn okpia ọkpa ne ọ ho erhan vbe Ẹdẹ Ikẹtin.

Diuteronomi 5:12

“ ‘Gha zẹ Ẹdẹ ikẹtin kọ ne u ya fi ohan mẹ zẹ vbe ne imẹ ne Nọyaẹnmwa Osanobua ruẹ tama ruẹn.