Ẹksọdọs 20:7 - Edo Bible (E Baibol Ẹdo) Version 1996

⁷ “Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 20:7 ပူးပေါင်းရင်းမြစ်များ

Gẹnẹsis 27:20

Aizik keghi kha wẹẹ, “Ovbi mwẹ, vbe u na rherhe miẹn ọẹn vberriọ yi?” E Jekọb wanniẹn wẹẹ, “E Nọyaẹnmwa Osanobua ruẹ ọre ọ gunmwẹ rherhe miẹn ọẹn.”

I Ọba 2:9

Sokpan ghẹ sẹ ọe rae vbe ne ọ ma na rri oya yọ, u rẹn emwi ne u gha ru, u ghi gia miẹn wẹ a gbe ẹe rua.”

II Ọba 5:20

vbe Gehazi ne ọguọmwadia Elaisia zẹ iro ekhọe ẹre wẹẹ, “Arowa mwẹ wa gie Naaman gha rrie vbene ọ ma na ha emwirhọkpa! Ọ te kei ne ọ viọ emwi ne ovbi e Siria nii hẹ ne ẹẹn. Vbe eni e Nọyaẹnmwa ne ọ rrọọ, I gha rhulẹ lele ẹe ne I ya miẹn ẹre emwi eso.”

Psalm 139:20

Ẹmwẹ dan ọ re iran talọ vbe ekpa ruẹ, iran vbe ta ẹmwẹ dan ghe eni ruẹn.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Jerimaia 34:16

“Sokpan, wa na vbe dọlegbe fi ekhọe werriẹ, wa na yagha mwẹ. Wa hia kevbe viọ iran ne uwa te ka fannọ kua vbene ọ yẹ iran, wa keghi dọlegbe ye obọ yẹn iran ẹho khian eviẹn.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Ezikiẹl 39:7

I gha wa ru ẹe ne Izrẹl ne emwa mwẹ rẹn eni mwẹ nọhuanrẹn. Mẹ i ghi ra ye kue ne a yagha eni mwẹ nọhuanrẹn ọvbehe. Ẹghẹ nii, avbe uhunmwu ẹvbo hia gha rẹn wẹ mẹ ne Nọyaẹnmwa ọrọre Osanobua nọhuanrẹn ọghe Izrẹl.”

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 5:11

“ ‘Ghẹ so eni mwẹ ya gha ziba rhunmwuda mẹ ne Nọyaẹnmwa ne Osanobua ruẹ gha rri ọmwa ne ọ rhirhi lo eni mwẹ ọ ghe ihan oya.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Jems 5:12

Ke odaro ehia, etẹn mwẹ, wa ghẹ gha vẹn ihẹn ya ru eyan. Wa ghẹ ya ẹrinmwi vẹn ihẹn ra agbọn, ra emwi ọvbehe ne ọ rhirhi gha khin. A deghẹ erriọ nọ, wẹ re “Erriọ nọ,” a deghẹ ẹ i re erriọ kha wẹ, “Ẹ i re erriọ.” Ne Osanobua ghẹ miẹn ehe na bu ohiẹn ruẹn.

Jọsua 2:12

Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Jọsua 2:17

Ikpia nii keghi tama rẹn wẹẹ, “Ma gha mu eyan ne u ye ima yan na sẹ.

Jọsua 9:20

Te a gha gie iran gha rre agbọn ugbẹn vbe a miẹn wẹ ma vẹn ihẹn ne iran, a deghẹ ma ma ru ẹe vberriọ, Osanobua gha rria ima ikhi.