Ẹksọdọs 20:5 - Edo Bible (E Baibol Ẹdo) Version 1996

⁵ Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 20:5 ပူးပေါင်းရင်းမြစ်များ

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 21:29

“U miẹn vbene Ehab mu egbe rriotọ hẹ vbe odaro mwẹ? Rhunmwuda ne ọ na ru vberriọ, I i ghi zẹ ọkhọ na rruan rẹn vbe ọ he rre agbọn, ẹghẹ ovbi ẹre I gha na zẹ ọkhọ ne ọ rruan ẹgbẹe Ehab.”

II Ọba 17:35

E Nọyaẹnmwa gu iran ta ile ọ keghi tama iran wẹẹ, “Wa ghẹ ga ẹbọ ọvbehe, ghẹ ya uhunmwu rhanmwẹ otọ ne iran, amawẹ ne u gho iran ra ne u zọ ese ya ru iran.

II Ọba 17:41

Ẹre a na miẹn wẹ, emwa nii ga e Nọyaẹnmwa, sokpan iran kevbe gha gho ẹbọ iran bare. Do sẹ ẹdẹnẹrẹ na, te uniẹn ivbi iran ye ru vberriọ.

II Ọba 23:26

Sokpan emwi ne Manasẹ ne ọba ru ya ohu e Juda mu e Nọyaẹnmwa ẹsẹse, uhin do sẹ banbanna, ọ ma he ye rriotọ.

II Ọba 5:18

Erriọ ọ re I vbe yayi wẹ e Nọyaẹnmwa gha yabọ mwẹ vbe I gha lele ọba mwẹ gha rrie aro e Rimọn ne ẹbọ e Siria ya gae. Vbe ne a i na gba a awẹawẹ, e Nọyaẹnmwa gha yabọ mwẹ.”

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

II Krọnikol 25:14

Ugbẹn vbe Amezaia ghi khọn ivbi Idọm muotọ nẹ ọ keghi viọ ẹbọ iran gha die owa, ọ keghi kọ iran, ọ na gha gho iran, ọ na gha giẹn eturari ne iran.

II Krọnikol 7:19

Sokpan adeghẹ a na miẹn vbe ẹghẹ ke ẹghẹ wẹ, wẹ vbe emwa ruẹn rra uhi mwẹ kevbe iyi mwẹ ne I yi ma uwa, wa na ya gha ga ẹbọ ọvbehe.

Job 21:19

Wa wẹ, ‘Osanobua rria ọmọ ikhi ye orukhọ erha ẹe.’ Ẹn o, giẹ Osanobua rri emwa orukhọ tobọ iran oya. Gie ẹe rhie ma wẹ rhunmwuda orukhọ iran ọre irẹn na ru ẹe.

Job 5:4

Ivbi iran i sẹtin gha rrọ vbe a i mwẹ ẹbe; a i miẹn ne ọ mudia gui ẹzọ iran vbe iko.

Psalm 109:14

Te Nọyaẹnmwa gha ye orukhọ avbe erha odede ẹre rre, ẹ i gha ya orukhọ iye ẹe bọ ẹe.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Psalm 79:8

Ghẹ rri ima oya ye orukhọ avbe erha mwa odede, tohan mwa, egbe wọ ima nẹ.

Psalm 81:15

Ohan gha mu iran ni khuiwu mwẹ, iran gha do gha mu uhunmwu gbotọ mẹ. Irriakhi iran gha a rrọọ rhinrin ẹdẹ.

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 34:14

“Ghẹ ga osa ọvbehe rhọkpa, rhunmwuda mẹ ne Nọyaẹnmwa a i gun mwẹ ta ekpẹn.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Aizaia 44:15

Ọmwa ghi rhie vbe erhan ya koko erhẹn, ọ ghi vbe rhie vbọ ya ka amazẹ, ọ ghi rhie vbọ ya hie erhẹn ne ọ ghae ra ne ọ ya le ebrẹd, ọ ghi ya obọ nọkpa ka amazẹ ne ọ gha gho.

Aizaia 44:19

Iran ni ru amazẹ i vbe mwẹ ẹwaẹn ra irẹnmwi ne iran gha ya kha wẹẹ, “I giẹẹn eso ua nẹ vbe erhan na, I vbe ya erhẹn ọnrẹn eso le ebrẹd, I vbe tọn emiowo, I na rrii ọe. Ne ọ ghi dekẹe vbe nene erhan, I keghi yae kaa amazẹ. U ghe mwẹ vbe I ya uhunmwu rhanmwẹ otọ ne ike erhan!”

Jerimaia 2:9

Rhunmwuda, mẹ ne Nọyaẹnmwa gha dọlegbe talọ ẹzọ ni gu emwa mwẹ gui, I gha ba ivbi uniẹn iran ifi ẹzọ.

Jerimaia 32:18

U rhie aho ẹmwẹ ọmwa ne ẹ i beghe ma arriaisẹn, erriọ vbe nọ, u vbe rri emwa eso oya ye orukhọ ne evbibiẹ iran ru. Osanobua nọkpọlọ kevbe ne ọ mwẹ ẹtin ọ re uwẹ khin. Wẹ ọrọre Nọyaẹnmwa ne Oghodua.

Ezikiẹl 18:19

“Wẹ sẹtin nọ wẹẹ, ‘Vbọzẹ ne ọmọ i ra na rri oya ye orukhọ ne erha ẹe ru yi?’ Ewanniẹn ne ọ rrọ ọrọre wẹ ovbi ẹre yin uyinmwẹ ne ọ gbae kevbe ne ọ hẹnhẹn, ọ rhie avbe uhi mwẹ mwẹ, ọ keghi vbe gha ru ẹe khian hẹnnẹ hẹnnẹ, rhunmwuda ọnii, te ọ gha diagbọnya.

Ezikiẹl 18:2

“Vbe ọ na khun itan ne iran kpa vbe Izrẹl yi wẹẹ, “ ‘Evbibiemọ ọ re ọ rri alimo ni kaẹn, sokpan ivbi iran ọ re akọn ghi do khẹkhẹ.’

Ezikiẹl 20:7

I keghi tama iran ne iran viọ ẹbọ osọnnọ ne iran ho ẹmwẹ ọnrẹn kua, kevbe ne iran ghẹ ye ẹbọ ohoghe ọghe Igipt mu awua ye egbe iran egbe, rhunmwuda, mẹ ọrọre Nọyaẹnmwa ne Osanobua iran

Ezikiẹl 39:25

E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.

Ezikiẹl 8:3

Ọ ke ghi niẹn emwi ne ọ yevbe obọ ladian, ọ na mu mwẹ eto. Vbe umian na, orhiọn Osanobua keghi tọn mwẹ mu ghe odukhunmwu ẹsẹse, ọ na mu mwẹ gha rrie Jerusalẹm. Ọ keghi rhie mwẹ gha rrie onurho ne ọ ke uwu ẹre vbe obọ ne ọ laghe odẹ ahọ vbe Ọgua Osa, ehe ne ẹbọ okpa ne ọ wa mu Osanobua ohu ye.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 3:18

Sokpan, a deghẹ ọ ma ghi vbe ru vberriọ, u ghi rẹn nian Umogun wẹ ma i ra gho ẹbọ ruẹ, ma i ra vbe ya uhunmwu rhanmwẹ otọ ne amazẹ igoru ne u maẹn.”

Levitikọs 20:5

mẹ gha tobọmwẹ mu aro da ọmwa nii ke ẹe kevbe ẹgbẹe ọre hia kevbe iran ni yegbe ba ẹre vbe uyinmwẹ a i gie a mu ẹtin yan ne ọ yin ghe mwẹ ne ọ na ya gha gho Milkọm. Mẹ i ghi ra vbe ka iran ba emwa mwẹ.

Levitikọs 26:1

E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Levitikọs 26:29

Ohanmwẹ gha gbe uwa sẹrriọ wẹ wa ghi gha gbele ivbi uwa re.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Nọmbas 14:18

‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Nọmbas 14:33

Ivbi uwa gha zozo la ukpo iyeva vbe uwu ẹgbo, iran ghi gha rri oya ba ẹmwẹ ne uwa i na gia mu ẹtin yan, a te do miẹn wẹ ne okiekie vbe uwu uwa, wu.

Nọmbas 25:11

“E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an.

Matiu 4:9

“U gha sẹtin diguẹ ya uhunmwu rhanmwẹ otọ mẹ, I gha ya ena hia fi ohan nuẹn.”

Iyẹn ne ọ Maan Ọghe Jọn 15:18

“Deghẹ te agbọn ghi khuiwu uwa, wa yerre ighe mẹ ọre iran ka khuiwu ẹre.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Iyẹn ne ọ Maan Ọghe Jọn 9:2

Avbe erhuanegbe ẹre wanniẹn wẹẹ, “Ọmamwaemwi, de orukhọ ọmwa ne ọ si ẹe ne a na biẹ okpia na arhuaro? Orukhọ ọghọe ra ọghe evbibiẹ ọe?”

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Diuteronomi 4:24

Rhunmwuda Osanobua uwa i ho ne a gha gu ẹe mwa ẹrrẹe, te ọ yevbe erhẹn ne ọ baa gidigidi.

Diuteronomi 5:10

Sokpan I ghi rhie ahoẹmwọmwa mwẹ ma inu arriaisẹn ne ọ khin vbe uwu iran ni ho ẹmwẹ mwẹ, ni vbe ya uhi mwẹ ru emwi.

Diuteronomi 5:9

Ghẹ ya uhunmwu rhanmwẹ otọ ne amazẹ rhọkpa ra ne u vbe ga iran, rhunmwuda mẹ ọ re Nọyaẹnmwa Osanobua ruẹ, a i gun mwẹ mwa ẹrrẹe. I rri iran ni khuiwu mwẹ oya kevbe ivbi iran ya sẹ orre ne ogieha kevbe ne ogienẹ.

Diuteronomi 6:15

Wa gha danmwẹ ọẹn, ohu e Nọyaẹnmwa gha hihiẹ yan uwa zẹ vbe erhẹn, ọ ghi fuẹn uwa a fẹẹrẹ rhunmwuda, e Nọyaẹnmwa Osanobua mwa ne ọ gu uwa rrọ, a i gu ẹe ta ekpẹn.

Diuteronomi 7:10

Sokpan ẹ i sọn ọ te gha rria iran ni khuiwu ẹre ikhi.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Jọsua 23:7

Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.

Jọsua 24:19

E Jọsua keghi tama emwa ni wẹẹ, “Sokpan wa i sẹtin ga e Nọyaẹnmwa rhunmwuda Osanobua ne ọ huanrẹn kevbe ne a i gu mwa ẹrrẹe ọ re irẹn khin. Rẹn i ra ya orukhọ uwa bọ uwa.

Giọgis 2:19

Sokpan ọkaolotu ghẹ ghi wu nẹ, emwa nii ghi vbe werriegbe la odẹ nẹdẹ, iran ghi vbe ru emwi ne o khọrhiọn sẹ orre ne iran lele. Iran ghi lele avbe ẹbọ ọvbehe, iran ghi ga iran vbe ya uhunmwu rhanmwẹ otọ ne iran. Iran keghi ye izevbudu gha ru emwi dan iran khian.