Ẹksọdọs 20:24 - Edo Bible (E Baibol Ẹdo) Version 1996

²⁴ Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Ẹksọdọs 20:24 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

II Samuẹl 6:12

E Devid ne ọba keghi do họn wẹẹ, e Nọyaẹnmwa wa fiangbe ẹgbẹe Obẹd Idọm kevbe emwi ne ọ mwẹ hia, rhunmwuda Ẹkpẹti Ile ọ keghi rhunmwuda ọnii ya mu ẹẹn vbe owa Obẹd rre ne ọ do kpee mu ẹẹn gha rrie Jerusalẹm.

I Ọba 8:29

Gie aro ruẹ gha ghe Ọgua Osa na asọn kevbe avan, emwana ne u wẹ zẹe wẹ ne a gha ga a vbọ. Họn ọghomwẹ, vbene I na erhunmwu vbe uwu Ọgua Osa na.

I Ọba 8:43

u ghi họn erhunmwu iran vbe ehe ne u ye vbe ẹrinmwi, ne u vbe ru emwi ne iran wẹ ne u ru, ne emwa ne agbọn hia miẹn ehe na rẹn ruẹn ne iran vbe gha mu ohan ruẹn zẹ vbene emwa ruẹn mu ohan ruẹn. Iran ghi do rẹn wẹ Ọgua Osa na ne I bọ ẹe na ọrọre ehe ne a na ga a.

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

II Ọba 5:17

Ẹre Naaman ghi na kha wẹẹ, “A deghẹ u i miẹn mwẹ emwi ihaoko, gunmwẹ zẹ ekẹn ne ọ gha sẹ ekẹtẹkẹtẹ eva mu gha rrie owa, rhunmwuda, ke ẹghẹ na kpao, mẹ i ghi zọ ese rhọkpa ra ese ne a giẹn uan ghe ẹbọ rhọkpa gberra e Nọyaẹnmwa.

II Krọnikol 12:13

E Rehoboam rriọba vbe Jerusalẹm, ọ keghi rhie ba ẹtin ne ọ mwẹ zẹ vbe ọba. Ukpo ọkpa yan iyeva ọ re ọ gha ye vbe ọ rriọba, ọ keghi ya ukpo ehairrọvbugie vbe ẹkete vbe Jerusalẹm, ehe ne Nọyaẹnmwa zẹe vbe otọe ẹvbo Izrẹl wẹ evba nii ọ re a gha na gha ga irẹn. e Naama ọ re a tie iye Rehoboam, otọe ẹvbo ne a tie ẹre Amọn ọ re ọ ke rre.

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

II Krọnikol 7:16

rhunmwuda ighẹ mẹ hannọ ẹẹn zẹ nẹ, I na vbe ya ẹe khian ne ọ huanrẹn zẹ vbe ehe ne a gha na gha ga mwẹ ẹdẹdẹmwẹdẹ, I gha gbe aro ghe ẹre, I ghi vbe degue ẹre ẹdẹdẹmwẹdẹ.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Nehimaia 1:9

Sokpan a deghẹ wa ghi vbe werriegbe bu mwẹ rre, wa na gha ru vbene I gie, I gha viọ uwa werriegbe gha rrie ehe ne I zẹe wẹ ne a na gha ga mwẹ, ọ gha khọn rẹn wẹ ehe ne agbọn na sẹe ọ re a zagha uwa kua gha rrie.’

Psalm 101:2

Uyinmwẹ mwẹ gha re ne ẹ i mwẹ abaku, de ẹghẹ ne u gha ya bu mwẹ rre? I gha yin uyinmwẹ ne ọ khuiae vbe owa mwẹ.

Psalm 122:2

Banbanna nian, ma sẹ emwa na nẹ, ma mudia vbe onurho e Jerusalẹm.

Psalm 128:5

Te Nọyaẹnmwa gha fiangbe uẹ ke Zaiọn rre, te u gha miẹn umamwẹ Jerusalẹm vbe ẹdẹ agbọn ruẹn hia.

Psalm 134:3

Te Nọyaẹnmwa ne ọ yi ẹrinmwi kevbe agbọn, gha fiangbe uẹ ke Zaiọn rre.

Psalm 74:7

Iran rhia Ọgua Osa ruẹ ua, iran keghi mu erhẹn yọ iran mu awua ye ehe ne a na ga uwẹ.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 78:68

Sokpan, ọ keghi zẹẹ ẹwae e Juda kevbe Oke Zaiọn ne ọ ho ẹmwẹ ọnrẹn ẹsẹse.

Ẹksọdọs 10:25

E Mosis keghi tama rẹn wẹẹ, “Ọnii rhiema wẹ, wẹ ọre ọ ghi viọ aranmwẹ ne ima gha ya zẹ ese ke ihaoko ne a giẹn uan ne ima gha ya zẹ ese ghe Nọyaẹnmwa ne Osanobua mwa.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 20:25

A deghẹ wa ya okuta ma aka mẹ, wa ghẹ ya okuta ne a guọghọe maẹn, rhunmwuda, wa gha ye a gha uwa kan rẹn nẹ, a ya ẹe khian ne ẹ i ghi gie a lo mẹ.

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Ẹksọdọs 24:5

Rẹn keghi gie igbama vbe uwu ivbi Izrẹl, iran na ya zọ ese ne a wa giẹn uan, iran na vbe gbele ẹkhuia ẹmila ya zọ ese ghe Nọyaẹnmwa, zẹvbe izọese ọghe isara.

Ẹksọdọs 27:1

“U ghi ya erhan akesia gba aka. Ọ ghi gha re umwọmwẹ vbe obọ enenẹ, ibata ihinrọn vbe ukhiọnmwẹ vbe utanmwẹ, ibata ihinrọn vbe ukhiọnmwẹ vbe uvbẹmwẹ kevbe uyomwẹ.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Levitikọs 17:9

Vbe ehe ọvbehe gberra onurho Owa Ukpọn Ile, ghe Nọyaẹnmwa, a ghẹ dọlegbe ka ẹe ba emwa Osanobua.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:21

A deghẹ ihọkpa ne a na ga nii rrei gbe; wa sẹtin gbe ẹmila uwa vbe uwu enii ne Nọyaẹnmwa hẹ ne uwa, zẹ vbene I ka khama uwa ne uwa gha rri emiowo vbe owa vbe ẹghẹikẹghẹ ne uwa a rhirhi ya gha ho.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 14:23

U ghi gha rrie ihe ọkpa nii ne Nọyaẹnmwa zẹe wẹ a gha na gha ga irẹn ne u ya sirra ẹre rrie ọkpa vbe uwu igbe ọghe ọka ruẹ ni kevbe ayọn kevbe ofigbọn ọliv kevbe emọ ọdiọn ọghe ẹmila kevbe ohuan ruẹn. U ghi ru ọna ne u miẹn ehe na ruẹ vbene a mu ohan e Nọyaẹnmwa Osanobua ruẹ hẹ ẹghẹ hia.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Diuteronomi 7:13

Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.