Ẹksọdọs 20:23 - Edo Bible (E Baibol Ẹdo) Version 1996

²³ Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 20:23 ပူးပေါင်းရင်းမြစ်များ

II Ọba 17:33

sokpan, iran kevbe gha gho ẹbọ iran zẹ vbene iran ru ẹe vbe dọmwadẹ ẹvbo ne iran ke rre.

II Ọba 17:41

Ẹre a na miẹn wẹ, emwa nii ga e Nọyaẹnmwa, sokpan iran kevbe gha gho ẹbọ iran bare. Do sẹ ẹdẹnẹrẹ na, te uniẹn ivbi iran ye ru vberriọ.

Ẹksọdọs 32:31

E Mosis keghi werriegbe bu e Nọyaẹnmwa gha khian, ọ wẹẹ, “Wẹ miẹn orukhọ ne ọ mu ohan ne iran an ru. Iran ya igoru ma ẹbọ ne egbe iran.

Ẹksọdọs 34:17

“Wa ghẹ ya ematọn ne a ranran ẹn ma ẹbọ ne egbe uwa.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Ezikiẹl 43:8

Avbe ọba keghi zẹlẹ urho ladian ke urho Ọgua Osa mwẹ dandaandan sẹrriọ ne a na miẹn wẹ ekẹn ọkpa kẹkan ọre ọ wannọ mẹ vbe iran. Iran keghi ya emwi osọnnọ ne iran ru hia gha fa eni mwẹ uan, rhunmwuda ọnii, I keghi fuẹn iran vbe ohu mu mwẹ.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Daniẹl 5:4

iran na gha go wan avbe ẹbọ ne a ya igoru, esiliva, oze, ematọn erhan, kevbe okuta ru.

Levitikọs 19:4

“Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 29:17

Wa miẹn ẹbọ osọnnọ iran, ne iran ya okuta, erhan, esiliva kevbe igoru ru.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.

Giọgis 17:3

Ọ keghi viọ igho esiliva iyisẹn yan arriaisẹn nii gie iye ẹe. Iye ẹe keghi kha wẹẹ, “Ovbi mwẹ, ne ihẹn ni ghẹ miẹn ehe na sẹ uẹ egbe, mẹ ra tobọ mwẹ ya ọghọ vbute ya ẹe fi ohan ne Nọyaẹnmwa. A gha ya ka amazẹ erhan, a ghi ya esiliva rhu ẹe. Rhunmwuda ọnii nian, I gha dọlegbe viọ ẹre nuẹn.”