Ẹksọdọs 20:18 - Edo Bible (E Baibol Ẹdo) Version 1996

¹⁸ Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 20:18 ပူးပေါင်းရင်းမြစ်များ

Gẹnẹsis 15:17

Ovẹn ghi dero nẹ vbe ebiebi ghi so, vbe udomwurri, akhe erhẹn ne ọ gbe ighogho kevbe ukpekhọe ne ọ baa keghi rre do la adesẹneva avbe aranmwẹ nii gberra.

Gẹnẹsis 3:10

Okpia nii keghi wanniẹn wẹẹ, “I họn ẹmwẹ ruẹn vbe uwe ogba, ohan kegha mu mwẹ, I keghi lẹre nuẹn rhunmwuda ighẹ irhunmwirhun ọre I ye.”

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Jerimaia 23:23

“Osanobua ne ọ rre ehe hia ọ re imẹ khin i ghẹ i re ihọkpa kẹkan.

Diuteronomi 18:16

Ẹdẹ ne uwa si koko ye ọkpẹn Oke Sainai, te uwa rinmwian ẹẹn wẹ wa i ghi ho ne uwa họn urhu e Nọyaẹnmwa, ra ne uwa ye bẹghe ehe ne ọ ye ne ọ yevbe erhẹn nii, rhunmwuda wẹ, ọ gha ye rriọ, wa gha wulo.

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 5:23

“Ugbẹn vbe erhẹn ghi baa vbe uhunmwu oke ni hia, vbe uwa ghi vbe họn urhu nii guan ke uwu ebiebi ni rre, avbe olotu uwa kevbe avbe ekhaẹmwẹ emwa uwa keghi bu mwẹ gha dee.

Diuteronomi 5:25

Sokpan vbe ima a ghi ra na vbe dọlegbe rhie uhunmwu da uwu hẹ nian? Erhẹn ugborrirri nii gha fuẹn ima an. Te ima wulo a deghẹ ma dọlegbe họn vbe e Nọyaẹnmwa ne Osanobua gu ima guan.

Diuteronomi 5:27

Dọlegbe gha khian e Mosis, ne u danmwẹ ehọ ẹmwẹ hia ne Nọyaẹnmwa Osanobua mwa gha ta. U ghi dọlegbe bu mwa gha dee do tama mwa, ma gha danmwehọ ne a vbe ya ẹe gha ru emwi.’

Diuteronomi 5:5

Ẹghẹ nii, mẹ keghi mudia ye ẹkpo Nọyaẹnmwa kevbe uwa ne I miẹn ehe na gha tama uwa hia vbene ọ kha hẹ, rhunmwuda ohan erhẹn nii mu uwa, wa ma vbe ho ne uwa hin uhunmwu oke nii. “E Nọyaẹnmwa keghi kha wẹẹ,