Ẹksọdọs 20:15 - Edo Bible (E Baibol Ẹdo) Version 1996

¹⁵ “Ghẹ rha a.

Ẹksọdọs 20:15 ပူးပေါင်းရင်းမြစ်များ

Ẹksọdọs 21:16

“Omwa ne ọ ya ẹtin mu ọmwa ọvbehe, ọre ne ọ mu ẹn ye ima nọ ra ne ọ ya khiẹn ọẹn, te a gha gbe ẹe rua.

Itan 11:1

Osanobua i ho ẹmwẹ emwa ni ya esike omuru mwa emwi. emwi ne a mwa ẹse ọ re ọ ye ọre.

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Matiu 19:18

Rẹn keghi vbe nọ Jesu wẹẹ, “De uhi ne ọ khin?” Jesu keghi wanniẹn, “Ghẹ de izigha, ghẹ ghẹẹ, ghẹ rhaa, ghẹ ta ohoghe.

Matiu 21:13

Ọ tama iran wẹẹ, “A gbẹn ọẹn ye uwu ebe wẹẹ Osanobua khare wẹẹ, ‘Owa erhunmwu ọre a gha tie owa mwẹ?’ Sokpan wa ya ẹe khian ẹgun oyi!”

Iyẹn ne ọ Maan Ọghe Jọn 12:6

Ọ ta ẹmwẹ na ẹ i re rhunmwuda ighẹ ọ mwẹ ẹnina ivbiogue vbe ekhọe, sokpan rhunmwuda ighẹ oyi nọ, rẹn ọ mu ẹkpo igho mwẹ, ọ ghi gha duẹe hẹ ya ru enegbe ẹre.

Ebe ne Pọl gbẹẹn gie emwa Rom 13:9

Avbe uhi na, “Ghẹ ghẹ, ghẹ di zigha, ghẹ rha, ghẹ ye aro ye emwi ẹrrẹe,” ena hia kevbe ọvbehe ne ọ rhirhi gha khin, uhi ọkpa ọre a ya fian ehia ifi wẹ, “Ho ẹmwẹ ogieva ruẹ zẹ vbene u ho ẹmwẹ egbe ruẹ.”

I Kọrinti 6:10

Iran ni rhaa, iran ni zuan, iran ni da ayọn gbe egbe, iran ni ta ẹrrẹe ọtakhọ, ra iran ni gbe olighi, ne Arriọba Osanobua gha sẹ ọre obọ, ẹ i rrọọ.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

Diuteronomi 5:19

“ ‘Ghẹ rha.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.