Ẹksọdọs 20:14 - Edo Bible (E Baibol Ẹdo) Version 1996

¹⁴ “Ghẹ ghẹẹ.

Ẹksọdọs 20:14 ပူးပေါင်းရင်းမြစ်များ

Gẹnẹsis 39:9

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

II Samuẹl 11:27

Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.

Levitikọs 18:20

Ghẹ gu amwẹ ẹrrẹe ru emwi, rhunmwuda ọ ni gha si awua yuẹ egbe.

Levitikọs 20:10

Omwa gha gu amwẹ ovbi Izrẹl ru oghẹ, a ghi gbele irẹn vbe okhuo nii uan.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Nọmbas 5:12

ne ọ rhie igiodẹ na ma ivbi Izrẹl. A deghẹ okpia mu idandan wẹ amwẹ irẹn ghẹ ga irẹn ighẹ awua gu ẹe, rhunmwuda ighẹ ọ lovbiẹ ke okpia ọvbehe. Sokpan deghẹ aro ọdọ ẹre ma da ẹe rhunmwuda ighẹ okhuo ni rhie ẹre lẹre, osẹe i rrọọ, a ma vbe mu ẹẹn ginna ẹn vbe ọ ru ẹe. Ra ne a kha wẹ okpia mu idandan vbe egbe amwẹ ọnrẹn, a gha rhe miẹn wẹ okhuo ni ma ghẹ.

Matiu 19:18

Rẹn keghi vbe nọ Jesu wẹẹ, “De uhi ne ọ khin?” Jesu keghi wanniẹn, “Ghẹ de izigha, ghẹ ghẹẹ, ghẹ rhaa, ghẹ ta ohoghe.

Ebe ne Pọl gbẹẹn gie emwa Rom 13:9

Avbe uhi na, “Ghẹ ghẹ, ghẹ di zigha, ghẹ rha, ghẹ ye aro ye emwi ẹrrẹe,” ena hia kevbe ọvbehe ne ọ rhirhi gha khin, uhi ọkpa ọre a ya fian ehia ifi wẹ, “Ho ẹmwẹ ogieva ruẹ zẹ vbene u ho ẹmwẹ egbe ruẹ.”

Diuteronomi 5:18

“ ‘Ghẹ ghẹẹ.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

Jems 2:11

Rhunmwuda ọmwa ne ọ khare wẹ, “Ghẹ ghẹ,” ọre ọ vbe kha wẹ, “Ghẹ gbe ọmwa ran.” Gia kha wẹ, u ma ghẹ u rra uhi nẹ a deghẹ u gbe ọmwa ran.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”