Ẹksọdọs 20:12 - Edo Bible (E Baibol Ẹdo) Version 1996

¹² “Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 20:12 ပူးပေါင်းရင်းမြစ်များ

Gẹnẹsis 48:12

Ẹre Josẹf na tọn iran mu hin ekuawẹ e Jekọb rre, ọ na mu ẹko rhu otọ vbe odaro ẹre.

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

I Ọba 2:19

Ẹre Batsiẹba na bu ọba ne ọ ya gu ẹe guan ne Adonaija. Ọba keghi gua kpao ne ọ tue iye ẹe, ọ kevbe vbokho uhunmwu rriotọ ne ẹẹn. Ọ keghi tota ye ẹkete ẹre ọ na wẹ ne iran mu ẹkete ọvbehe rre ne ọ tota yọ diake irẹn vbe obọ erha ọmwa.

II Ọba 2:12

Elaisia bẹghe ẹre, ọ na datu tie Elaija wẹẹ, “Erha mwẹ, erha mwẹ! Ọwogbe ne ọ gbinna ne Izrẹl! U rriei!” Ọ ma ghi dọlegbe miẹn Elaija ọvbehe. Elaisia keghi ye akhiẹ sọ agbada ẹwu ẹre ye ihe eva.

Ẹksọdọs 21:15

“Ọmwaikọmwa ne ọ fi erha zẹẹ ra iye zẹẹ emwi, te a gha gbe ẹe rua.

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Itan 15:5

Ukọnmwẹ nọ ne ọmwa fi iyeke gbe emwi ne erha ma ẹre re, ẹwaẹn nọkhua nọ adeghẹ u rhie ibude ne ọ rhie ya dia ruẹ ye odẹ.

Itan 17:6

Te avbe ọmaẹn ye eyẹ iran hio zẹ vbe ne ibiẹka ikpia ye erha iran hio.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 28:24

Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.

Itan 3:16

Ẹwaẹn ọ re ọ rhie utọmwẹ ne ọmwa, kevbe ẹfe, kevbe ọghọ.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Jerimaia 35:18

Ẹghẹ nii ọ re I na tama ivbi uniẹn e Rekab wẹ e Nọyaẹnmwa ne Oghodua ne Osanobua Izrẹl khare wẹẹ, “Wa gele ru vbene Jonadab ne erha uwa odede tama uwa, igiodẹ ne ọ ru ma uwa, ọ re uwa wa lele, wa keghi vbe ru avbe emwi hia ne ọ wẹ ne uwa ru.

Jerimaia 35:7

Ọ vbe tama ima wẹ ne ima ghẹ bọlọ owa ra ne a vbe mu ugbo ra ne a vbe mu ugbo azara, ra na a vbe dẹ. Ọ tama ima ne a gha di owa ukpọn ya ne ima miẹn ehe na gha rre ẹvbo ne ima ye na zẹ vbe erriọvbe.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Matiu 19:19

Ya ọghọ ne erhaa kevbe iye uẹ, u ghi vbe gha ho ẹmwẹ ogieva ruẹ zẹ vbe ne u ho ẹmwẹ egbe ruẹ.”

Iyẹn ne ọ Maan Ọghe Mak 10:19

Deghẹ u rẹn uhi ghẹ do izigha. Ghẹ ghẹe, ghẹ rhaa, ghẹ ta ohoghe, ghẹ do ẹki ogberhu, ye ọghọ ne erha kevbe iyuẹ.”

Iyẹn ne ọ Maan Ọghe Mak 7:10

Rhunmwuda Mosis yi ẹre iyi wẹẹ, ‘Ya ọghọ ne erha kevbe iyuẹ,’ kevbe wẹ, ‘Ọmwa ne ọ rhirhi kpa unu ghe erha ẹe ra iye ẹe ne a gha gbe ẹe rua.’

Iyẹn ne ọ Maan Ọghe Luk 18:20

Deghẹ u rẹn avbe Uhi: ‘Ghẹ ghẹ, ghẹ de izigha, ghẹ rhaa, ghẹ ta ohoghe, ya ọghọ ne erha a kevbe iye uẹ.’ ”

Ẹfisọs 5:21

Wa gha gbe uhunmwu ke otọ ne egbe, rhunmwuda ọghọ ne uwa ya ne Jesu.

Diuteronomi 11:8

“Wa gha ya uhi hia ne I gbe ne uwa ẹrẹna ru emwi. Erriọ wa gha na sẹtin gberra ne uwa ya yin otọe nii ne uwa ghi ra lao na.

Diuteronomi 11:9

Wa gha vbe yin ẹnrẹn tọ ighẹ otọ esiesi ne ọ maa emwi okọ nii ne Nọyaẹnmwa ve ne irẹn mu ne avbe erha uwa odede kevbe ivbi iran.

Diuteronomi 21:18

“Ọ gha re te ọmwa ghi mwẹ ọmọ ne ọ ze vbe udu kevbe ne ẹ i họn ẹmwẹ, ọmọ ne ẹ i họn ẹmwẹ ne evbibiẹ ọe, vbene ọ khọn iran ne iran a yan rri ọ re oya sẹ,

Diuteronomi 25:15

Wa gha lo emwi ne a ya mwa ihẹ ke ne a ya mwa avbe emwi ọvbehe ọghe ẹmwata ne uwa miẹn ehe na tọ vbe otọ ne Nọyaẹnmwa Osanobua rua ra mu ne uwa.

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Diuteronomi 32:47

Iruẹmwi na ẹ i re ọghe ogbetalọ, arrọọ uwa fẹẹrẹ nọ, wa gha yae ru emwi, wa gha tọ vbe otọe nii ne ọ rre iyeke Jọdan, ne uwa ghi ra ya yin na.”

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Kọlose 3:20

Wa ne emọ, te ọ khẹke uwa, zẹ vbe emwa ni ya Kristi yi, ne uwa gha họn ẹmwẹ ne avbe evbibiẹ uwa ẹghẹ hia, rhunmwuda, ọnii ọre ọ yẹ Osanobua.

Ebe Rut 3:6

Ẹre Rut na gha rrie ehe ne a na khuọn ọka nii, ọ keghi ru emwi hia ne iye ọdọ ẹre tama rẹn.

I Samuẹl 22:3

E Devid keghi ke evba kpao gha rrie Mizpa ne Moab, ọ keghi tama ọba e Moab wẹẹ, “Lahọ gie erha mwẹ kevbe iye mwẹ do tota ke uẹ I te do rẹn emwi ne Osanobua khian ru mẹ.”