Ẹksọdọs 20:10 - Edo Bible (E Baibol Ẹdo) Version 1996

¹⁰ sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

Ẹksọdọs 20:10 ပူးပေါင်းရင်းမြစ်များ

Nehimaia 10:31

Avbe orhunmwuyẹn gha mu ọka ra emwi ọvbehe gie ima dẹ vbe ẹdẹ ikẹtin ra vbe ẹdẹ iruemwi ọvbehe ma i ra dẹ. Ukpo ne ọ ya gba vbe ihinrọn hia, ma i ra gbe ugbo vbe otọe na, ma ghi vbe ya osa ma emwa hia ni rri osa.

Ẹksọdọs 16:26

Wa ghi rhọ ẹre la ikpẹdẹ ehan, sokpan vbe ikpedẹ ne ogihinrọn ne ọ re Ẹdẹ Ikẹtin, ẹ i khian gha rrọọ.”

Ẹksọdọs 31:13

“Tama ivbe Izrẹl, ‘Wa ghi gha zama Ẹdẹ Ikẹtin mwẹ rhunmwuda, ama nọ vbe ẹkpo imẹ vbe uwa kevbe ivbi uniẹn uwa ne a ya rẹn wẹ mẹ ne Nọyaẹnmwa ya uwa ru emwa obọ mwẹ nẹ.

Ẹksọdọs 34:21

“Ikpẹdẹ ehan wa gha ya gha winna sokpan wa ghẹ winna vbe ikpẹdẹ ne ogihinrọn, ọre ẹghẹ egua nọ ra ẹghẹ akọrhọre.

Ẹksọdọs 35:2

Ẹdẹ ehan ọre uwa gha ya gha winna sokpan ẹdẹ ne ogihinrọn ghi gha re Ẹdẹ Ikẹtin ne ọ huanrẹn ne uwa, Ẹdẹ ọghe Ikẹtin ne a ya fiohan ne ime ne Nọyaẹnmwa. Ọmwaikọmwa ne ọ winna ẹn ẹdẹrriọ, a gha gbe ẹe rua.

Ezikiẹl 14:7

“Ẹghẹikẹghẹ ne ovbi Izrẹl okpa ra orhunmwuyẹn ni rre uwu ẹbu ivbi Izrẹl ya fi iyeke gbe mwẹ, ọ na ya gha gho ẹbọ, ọ na vbe kpao ya gualotọ emwi vbe obọ akhasẹ, mẹ ne Nọyaẹnmwa ọ re ọ ra rhie ewanniẹn ne ẹẹn.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Iyẹn ne ọ Maan Ọghe Luk 23:56

Iran na dọlegbe gha rrie owa, iran keghi ya le ori ne ọ winhin kevbe emwi ne ọ winhin ọvbehe ne a ra ya wo egbe Jesu, ọ ghi sẹ Ẹdẹ Ikẹtin, iran keghi kẹtin zẹ vbe ne Uhi khare.