Ẹksọdọs 20:1 - Edo Bible (E Baibol Ẹdo) Version 1996

¹ Osanobua keghi guan avbe ẹmwẹ na hia. Ọ wẹẹ.

Ẹksọdọs 20:1 ပူးပေါင်းရင်းမြစ်များ

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Ẹksọdọs 19:25

E Mosis keghi tuorre ya bu emwa nii gha khian, Ọ na ya tama iran vbene Nọyaẹnmwa kha hẹ.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Iwinna 7:38

Rẹn ọre ọ gu ivbi Izrẹl gha rrọọ vbe ehe ne iran si koko yi vbe uwu ato, rẹn ọre ọ gu avbe erha mwa odede gha rrọọ kevbe odibosa ne ọ gu ẹe guan vbe uhunmwu oke Sainai, rẹn ọre ọ rhan obọ miẹn uhunmwu ne Osanobua gie, o keghi do tama ima.

Iwinna 7:53

Uhi Osanobua ne avbe odibosa rhie gha dee, wa ọre ọ gue, levba sevba, wa i ya ẹe ru emwi.”

Diuteronomi 10:4

E Nọyaẹnmwa keghi vbe gbẹnnẹ emwi ne ọ ka gbẹnnẹ ye ne okaro yọ, ọnii nọ wẹ avbe uhi igbigbe ne ọ viọ ne uwa ẹghẹ ne ọ na ke uwu erhẹn gha guan rre vbe uwa si egbe koko ye ọkpẹn oke. E Nọyaẹnmwa keghi viọ avbe uhanhan nii mẹ.

Diuteronomi 4:33

A he miẹn emwa ni ye gha rre agbọn vbe iran họn vbe Osanobua guan gie iran ke uwu erhẹn rre ra zẹ vbe ne uwa ye?

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 5:4

E Nọyaẹnmwa keghi gu uwa guan ke uwu erhẹn ni rre, vbe ghe aro mwẹ ghe aro uẹ.

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.