Ẹksọdọs 2:25 - Edo Bible (E Baibol Ẹdo) Version 1996

²⁵ Ọ keghi miẹn ihe ọviẹn ne ivbi Izrẹl ye, ọ na ya egbe ne iran miẹn.

Ẹksọdọs 2:25 ပူးပေါင်းရင်းမြစ်များ

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Ẹksọdọs 1:8

Ọba ọgbọn ne ọ ma zẹdẹ rẹn emwikemwi vbe ekpa Josẹf kegha rre asẹ vbe Igipt.

Ẹksọdọs 18:8

E Mosis keghi na iyẹn emwi ne Nọyaẹnmwa rhunmwuda ivbi Izrẹl ru ọba Igipt kevbe ivbi Igipt re ma e Jẹtro. Ọ na iyẹn ọlọghọmwa ne iran he miẹn vbe odẹ kevbe vbene Nọyaẹnmwa miẹn iran fan hẹẹ.

Ẹksọdọs 3:9

I họn eve ne emwa mwẹ viẹ, I kevbe miẹn obọ dan ne ivbi Igipt ya mu iran.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Matiu 7:23

Ẹghẹ ni ọre I gha na tama iran wẹẹ, ‘I ma rẹn uwa, wa ladian mwa, wa ni winna iwinna orukhọ.’

Iyẹn ne ọ Maan Ọghe Luk 1:25

Rẹn keghi kha wẹẹ, “Banbanna nian, Nọyaẹnmwa do yọ mwẹ obọ vbe nian, ọ han ukpọn ozan hin mwẹ ẹkun rre.”

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’

Diuteronomi 26:7

“ ‘Ẹre ima na datie Nọyaẹnmwa Osanobua avbe erha mwa odede ne ọ ye ima obọ. Rẹn keghi họn urhu mwa, ọ miẹn oya ne ima re kevbe ọlọghọmwa usẹ ne ima ye.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”