Ẹksọdọs 2:24 - Edo Bible (E Baibol Ẹdo) Version 1996

²⁴ Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Ẹksọdọs 2:24 ပူးပေါင်းရင်းမြစ်များ

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 18:18

Uniẹn ọnrẹn gha do khian agbọn ẹvbo nọkhua ne ọ mwẹ ẹtin, avbe uhunmwu otọ agbọn na hia, obọ ẹre ọre I ra la fiangbe iran.

Gẹnẹsis 22:16

“I ye eni mwẹ yan, Nọyaẹnmwa ọre ọ guan na, wẹẹ I gha fiangbuẹ ẹsẹse rhunmwuda emwi ne u ru na ne u ma na gun mwẹ sinmwi ovbuẹ,

Gẹnẹsis 26:2

E Nọyaẹnmwa keghi rhiegbe ma Aizik, ọ na tama rẹn, wẹẹ, “Ghẹ yo Igipt. Mudia vbe ẹvbo ne I tama ruẹn ne u dia.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 35:12

I gha mu otọ ne I mu ne Ebraham Aizik nuẹn, I gha vbe mu ẹẹn ne ivbi uniẹn ruẹn vbe iyeke ruẹ.”

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

Psalm 102:2

I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 105:42

Ọ ye ile ne ọ gu Ebraham ne ọguọmwadia ẹre ta rre.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 22:5

Iran tu tie ruẹ, iran keghi lẹ ẹbe fe. Iran mu ẹtin yan ruẹn, wẹ ma vbe hiẹ iran.

Psalm 79:11

Họn utumwẹ obalọ ọghe iran ni rre eghan, ne u vbe ya ẹtin ruẹn nọkhua fannọ iran ne a bu ohiẹn uwu gbe kua.

Ẹksọdọs 6:5

Banbanna nian, I họn utumwẹ obalọ ọghe ivbi Izrẹl nẹ, emwa ne ivbi Igipt ya khian eviẹn, I keghi ye ile mwẹ rre.

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”