Ẹksọdọs 2:23 - Edo Bible (E Baibol Ẹdo) Version 1996

²³ Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Ẹksọdọs 2:23 ပူးပေါင်းရင်းမြစ်များ

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 4:10

E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

Nehimaia 9:9

“U miẹn oya ne avbe erhamwa odede re vbe Igipt. U keghi họn vbe iran tu nọ iyobọ ọkpẹn Okun Iranmwiran.

Job 35:9

“A ghe zẹ emwa kpokpo, iran ghi gha zẹ uyọn; iran ghi gha tu tie ọmwa ne ọ gha miẹn iran fan.

Psalm 102:1

Rhie ehọ ye erhunmwu mwẹ Nọyaẹnmwa, vbe họn urhu mwẹ vbe I nọ iyobọ.

Psalm 102:2

I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 18:6

vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 4:19

E Nọyaẹnmwa keghi tama e Mosis vbe Midian wẹẹ, “Banbanna nian, dọlegbe gha rrie Igipt, iran hia ni te ho ne iran gbe uẹ ua wulo nẹ.”

Ẹksọdọs 6:5

Banbanna nian, I họn utumwẹ obalọ ọghe ivbi Izrẹl nẹ, emwa ne ivbi Igipt ya khian eviẹn, I keghi ye ile mwẹ rre.

Ẹksọdọs 6:9

E Mosis keghi ya ta ẹmwẹ na ma ivbi Izrẹl, sokpan iran ma rhie ehọ nẹẹn ta yi rhunmwuda, ihe eviẹn ne iran ye, ya egbe wọ iran.

Ẹksọdọs 7:7

E Mosis keghi re ọmọ ukpo iyenẹ, Errọn keghi re ọmọ ukpo eha yan iyenẹ vbe ẹghẹ ne iran na gu ọba Igipt guan.

Aizaia 19:20

Ena ghi gha re ama ne a ya rhie ma wẹ e Nọyaẹnmwa ne Oghodua rre otọ Igipt. A gha miẹn wẹ, a wọ emwa ni rre evba uhunmwu, iran na kpetie e Nọyaẹnmwa wẹ ne ọ yi iran obọ, ọ ghi gie orhiọnkpa ne ọ ya miẹn iran fan.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Iwinna 7:30

“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai.

Diuteronomi 24:15

U ghi gha ha osa iwinna ne ọ winnaẹn ne uẹn ẹdẹgbegbe vbe ovẹn te de ro, ọ mwẹ emwi ne ọ ya ẹe ru, ọ vbe rhie aro ye odẹ khẹ ọ re nẹ ighẹ ọ gha sẹ irẹn obọ. a deghẹ u ma ha ẹre nẹ ẹẹn, ọ gha viẹ bu e Nọyaẹnmwa gha khian, a gha bu abe gbe uẹ.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”