Ẹksọdọs 2:20 - Edo Bible (E Baibol Ẹdo) Version 1996

²⁰ Rẹn keghi nọ ivbi ẹre wẹẹ, “Rẹn ghi vbo nian? Vbọzẹ ne uwa na sọrae ye odẹ yi? Wa ya tie ẹre rre ne ọ do gu ima rri evbare.”

Ẹksọdọs 2:20 ပူးပေါင်းရင်းမြစ်များ

Gẹnẹsis 18:5

I gha mu evbare eso rre. Ọna gha rhie ẹtin ne uwa ya deyan okhian uwa. Owa mwẹ ọre uwa rre, mẹ vbe mu egbe ne I ya mu ọghọ ye uwa egbe.” Iran wanniẹn tama rẹn wẹẹ, “Ọ maa, ya ru vbene u khare.”

Gẹnẹsis 29:13

Ugbẹn vbe ọ ghi họn ẹmwẹ Jekọb ne ọtiọnrẹn, ọ rhulẹ ya vba ẹre, ọ gbae ginna egbe, ọ keghi ya unu soso ẹre unu, ọ na rhie ẹre gha die owa. Jekọb na na iyẹn emwi ni sunu hia ma e Leban.

Gẹnẹsis 31:54

Ọ keghi gbe aranmwẹ ne ọ ya zọ ese vbe uhunmwu oke. Ọ keghi tie emwa irẹn ne iran do rri evbare. Ugbẹn vbe iran ghi re nẹ, iran keghi gbe asọn nii vbe uhunmwu oke nii.

Gẹnẹsis 43:25

Iran keghi mwamwa emwi ne iran ra ya ne Josẹf ye otọ khẹ ẹghẹ avan. Iran họn wẹ iran gha guẹe rri evbare.

Job 31:32

Te I tie ekhẹn la owa mwẹ, I i vbe giẹ iran vbiẹ ughe.

Job 42:11

Avbe etẹn e Job nikpia kevbe nikhuo kevbe avbe esiọ re, keghi do gha tuẹ Job. Iran keghi fu ẹre ẹko rre vbe ekpa ọlọghọmwa ne Nọyaẹnmwa mu yan rẹn. Ọkpọkpa vbe uwu iran keghi rhie igho kevbe oroka igoru ne ẹẹn.

Ẹksọdọs 2:19

Iran wanniẹn wẹẹ, “Ovbi Igipt ọkpa ọre ọ do miẹn ima fan vbe obọ avbe ọsuohuan, rẹn ọre ọ wa sa amẹ ne ima, ọ na vbe mu ne avbe emwirri wọn.”

Ẹksọdọs 2:21

E Mosis na ghi wa tota vba, ọre Jẹtro na rhie ovbi ẹre ne a tie ẹre Zipora nẹẹn ne ọ rhie rọnmwẹ.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.