Ẹksọdọs 2:15 - Edo Bible (E Baibol Ẹdo) Version 1996

^15-16 Ọba ghi do họn emwi ne ọ sunu, ọ keghi te ra gbe Mosis ua, sokpan rẹn keghi lẹ fe, ọ na gha rrie otọe Midian ya diẹe ya. Ọ ghi sẹ ẹdẹ ọkpa, ugbẹn vbe Mosis ghi tota ye ọkpẹn uhae, ohẹn ne ọ rre Midian kegha mwẹ emọ ikhuo ihinrọn. Iran keghi rre, iran na do sa amẹ, iran na vbe sa amẹ vuọn uroroamẹ ne ohuan kevbe ẹwe erha iran na wọn amẹ.

Ẹksọdọs 2:15 ပူးပေါင်းရင်းမြစ်များ

Gẹnẹsis 24:11

Ọ ghi sẹ evba, ọ viọ avbe ekẹtẹkẹtẹ nii ye iguẹ vbe ọkpẹn uhae ne ọ rre vbe a ra ladian vbe ẹvbo nii, ọ keghi re ẹdogbota, ẹghẹ ne ikhuo do ya gha sa amẹ.

Gẹnẹsis 25:2

Ọ keghi biẹ Zimran, Joksan, Medan, Midian, Isbak, kevbe Siua nẹ.

Gẹnẹsis 25:4

Ivbi e Midian kegha re Ẹfa, Ẹfẹ, Manọk, Abida kevbe Elda, ena hia ọ re ivbi uniẹn Ketura.

Gẹnẹsis 29:2

Vbe udomwurri, ọ na bẹghe uhae vbe uwu oha, oghẹn ohuan eha keghi rhu ye ọkpẹn ọnrẹn. Uhae na ọre iran ke sa amẹ ne avbe oghẹn ohuan nii wọn, iran keghi mu okuta nọkhua gue unu ẹnrẹn.

I Ọba 11:18

E Midian iran ke kpao, iran na gha rrie Paran, emwa ọvbehe eso keghi vbe deba iran vbe evba, ẹre iran ghi na gha rrie Igipt. Iran keghi bu ọba gha khian, ọnii na mu otọe eso ne Hadad, deba owa ọkpa ọ na vbe gha rhie evbare ne ẹẹn.

Ẹksọdọs 18:4

Ọ kevbe kha wẹẹ, “Osanobua avbe erha mwẹ ọre ọ yọmwẹ obọ, ọ na miẹn mwẹ fan vba obọ umozo ọba Igipt”; ọre ọ na he ovbi ẹre ne okpia nọkpa Eliezẹ.)

Ẹksọdọs 4:19

E Nọyaẹnmwa keghi tama e Mosis vbe Midian wẹẹ, “Banbanna nian, dọlegbe gha rrie Igipt, iran hia ni te ho ne iran gbe uẹ ua wulo nẹ.”

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Habakọk 3:7

I miẹn vbe ohan mu ivbi e Kusian avbe ivbi e Midian gha guọ.

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Iyẹn ne ọ Maan Ọghe Jọn 4:6

Uhae ọghe Jekọb keghi rre evba, rhunmwuda ne egbe okhian ghi na wọ Jesu ni, rẹn keghi tota ye ọkpẹn uhae ni, owẹn sẹ adesẹ ukhunmwu nẹ.

Iwinna 7:29

Mosis ghi họn ẹmwẹ na, ọ keghi wa lẹ hin otọe Igipt rre, ọ keghi ya di otọ Midian ya. Ọ keghi biẹlẹ emọ ikpia eva vbe evba.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.