Ẹksọdọs 19:5 - Edo Bible (E Baibol Ẹdo) Version 1996

⁵ A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ẹksọdọs 19:5 ပူးပေါင်းရင်းမြစ်များ

Gẹnẹsis 17:9

Osanobua tama Ebraham wẹẹ, “Wẹ tobọ ruẹ ghi vbe kue yọ ne u rhie ile ne u gun mwẹ ta mwẹ, wẹ kevbe uniẹn ruẹn vbe orre ne ọ dee.

I Ọba 8:53

Wẹ ọ re ọ zẹ iran ke uwu ẹbu emwa hia ladian ne iran gha re emwa ruẹn, zẹ vbene u la unu e Mosis ne ọguọmwadia ruẹ tama iran, vbe ẹghẹ ne u na viọ avbe erha mwa odede ke Igipt ladian.”

I Krọnikol 17:22

U ya Izrẹl khian emwa ruẹn nẹ ẹdẹdẹmwẹdẹ, wẹ ne Nọyaẹnmwa keghi khian Osanobua iran.

Job 41:11

De ọmwa ne ọ gha gu ẹe gbinna, ne ọ gha miẹn uhunmwu? Orhiọnkpa ne ọ gha sẹtin ru ẹe i rre agbọn na.

Job 41:3

Ọ gha rinmwian wẹ ne u giẹ irẹn gha rrie ra, ra ne ọ rinmwian wẹ ne u tohan irẹn.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 23:22

Sokpan deghẹ wa họn ẹmwẹ ọnrẹn wa na vbe gha ru emwi hia ne I khare, I gha gu eghian uwa hia gbinna, I ghi mu aro igbinna da iran.

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ẹksọdọs 8:22

Vbe ẹdẹ ne ẹdẹrriọ, mẹ gha sẹ otọe Gosiẹn rae, ehe ne avbe emwa mwẹ ye, a ghi miẹn wẹ ikian i rre odọ, ne u miẹn ehe na rẹn wẹ mẹ ne Nọyaẹnmwa ọre ọ winna vbe ẹvbo na.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Ihuan Ne Ọ Sọọ Ihuan Hia 8:12

E Solomọn sẹtin rhie arriaisẹn ọghọe, ne avbe ọgbugbo viọ arriaisẹn eva. Mẹ mwẹ ogba azara obọ mwẹ.

Aizaia 1:19

Adeghẹ u gha họn ẹmwẹ mẹ, u gha rri avbe emwi esi ne otọe ni rhie rre,

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 56:4

E Nọyaẹnmwa tama egbe ọmwa vberriọ wẹẹ, “A deghẹ u ya ọghọ mẹ, vbekpa ne u gha na rhie Ẹdẹ Ikẹtin lẹre, a deghẹ u vbe gha ru emwi ne ọ yẹ mwẹ, u na gha rhie uhi mwẹ mwẹ vbe ẹmwata,

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 13:11

Zẹ vbene utalawẹ rhikhan mu ọmwa ẹkun, erriọ I te ho ne ivbi Izrẹl hia kevbe Juda, da mwẹ yi gbain. I keghi ru ọna, ne iran miẹn ehe na gha re emwa mwẹ, ne iran rhie urhomwẹ kevbe ọghọ gie eni mwẹ, sokpan, iran ma họn ẹmwẹ mẹ.”

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

I Kọrinti 10:28

Sokpan, a deghẹ a ghi tama ruẹn nẹ wẹ, “Ẹbọ ọre a ya emwi na ru,” ghẹ rri ọe rhunmwuda ọmwa ne ọ tama ruẹn ni kevbe rhunmwuda osẹe ekhọe.

Diuteronomi 10:14

“Ẹrinmwi ne ọ yo sẹ ehia, e Nọyaẹnmwa ọ re ọ yan rẹn. Rẹn ọ vbe yan agbọn kevbe emwi hia ni rre uwu ẹre.

Diuteronomi 11:27

afiangbe deghẹ wa ru vbene Nọyaẹnmwa Osanobua khare vbe uwu uhi ne I ra viọ ne uwa ẹrẹna,

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Diuteronomi 14:21

“Ghẹ rri aranmwẹ ne uwu ẹhi gbe. U sẹtin gie avbe erhunmwuyẹn ni rre ẹbu uwa rri ọe ra ne u khiẹn ọẹn ne avbe erhunmwuyẹn ọvbehe. Sokpan ọghe Nọyaẹnmwa Osanobua uwa ọ re uwa khin, emwa ẹnrẹn wa khin, ghẹ lẹ ovbi ohuan ra ovbi ẹwe vbe uwu ẹwẹn iye ẹe.

Diuteronomi 26:18

Ẹdẹ ne ẹrẹna nian, e Nọyaẹnmwa vbe rhan obọ miẹn uwa zẹ vbe emwa irẹn, zẹ vbene ọ yan ma uwa, ọ na tama uwa ne uwa gha ya uhi irẹn hia ru emwi.

Diuteronomi 26:19

Ọ ghi gie uwa kpọlọ sẹ avbe agbọn ẹvbo hia ne irẹn he yi. Wa ghi gha re emwa nihuanrẹn ọghe ọe, wa ghi gha rhie urhomwẹ kevbe uyi gie eni ẹnrẹn. Wa ghi gha re emwa irẹn, zẹẹ vbe ne irẹn yanrẹn.”

Diuteronomi 28:1

“A deghẹ wa gele họn ẹmwẹ ne Nọyaẹnmwa Osanobua rua, wa na ya ẹko ata rhie uhi ẹre ne imẹ rhie ne uwa ẹrẹna mwẹ, ọ gha ya uwa kpọlọ sẹẹ avbe okpẹvbo ọvbehe hia ni rre agbọn na.

Diuteronomi 28:9

“A deghẹ wa họn ẹmwẹ e Nọyaẹnmwa Osanobua rua, wa na ru emwi ne ọ tama uwa hia, ọ ghi ya uwa khian emwa obọ irẹn zẹ vbene ọ khare.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 5:2

E Nọyaẹnmwa Osanobua mwa keghi gu ima ta ile vbe Oke Sainai.

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 8:9

Ẹ i ra ye vbe ile ne I gu erha iran ta, vbe ẹdẹ ne I rhie iran obọ su iran ladian vbe otọ Igipt. Iran ma mu ile ne I gu iran ta sẹ. Rhunmwuda ọnii, mẹ ma ghi zẹ ye iran re, erriọ Nọyaẹnmwa kha re.

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.