Ẹksọdọs 19:19 - Edo Bible (E Baibol Ẹdo) Version 1996

¹⁹ Urhu okpe keghi kakabọ gha tu sayọ. E Mosis keghi guan, e Nọyaẹnmwa na ya avan ne ukhunmwu zẹmwẹ wanniẹn ọẹn.

Ẹksọdọs 19:19 ပူးပေါင်းရင်းမြစ်များ

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Ẹksọdọs 19:13

A ghi filo okuta gbe ẹe rua, ra a ghi ya ifẹnmwẹ salọ ẹe gbe ua vbe ne ọmwa rhọkpa i na ya obọ kan rẹn. Kevbe emwa nagbọn kevbe emwirri ọre a kha na. Te a gha gbele ehia a. Sokpan, a ghẹ ghi kpe okpe nẹ, emwa hia ghi hin uhunmwu oke.”

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Hibru 12:19

Urhu okpe kevbe owogho uvannọmwẹ. Ugbẹn vbe iran ghi họn urhu nii, iran keghi rinmwian wẹ, ne iran ghẹ ghi dọlegbe họn ifi ẹmwẹ ọkpa sẹẹ ọnii.

Hibru 12:21

Ọ mu ohan sẹrriọ ne a ghe wẹ, Mosis keghi kha wẹẹ, “I guọe zẹzẹzẹ, ohan keghi mu mwẹ.”