Ẹksọdọs 19:18 - Edo Bible (E Baibol Ẹdo) Version 1996

¹⁸ Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ẹksọdọs 19:18 ပူးပေါင်းရင်းမြစ်များ

Gẹnẹsis 11:5

E Nọyaẹnmwa keghi tuorre do ghe nene ẹvbo kevbe ogogoro ne emwa nii bọe,

Gẹnẹsis 15:17

Ovẹn ghi dero nẹ vbe ebiebi ghi so, vbe udomwurri, akhe erhẹn ne ọ gbe ighogho kevbe ukpekhọe ne ọ baa keghi rre do la adesẹneva avbe aranmwẹ nii gberra.

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Psalm 104:32

Rẹn gbe aro ghe otọe, otọe kegha guọ, ọ ya obọ kan avbe oke, ehia keghi tue ighogho ladian.

Psalm 114:4

Avbe oke nekhua kegha san zẹ vbe ẹwe avbe oke negiẹrẹ kegha vbọ vbe ivbi ohuan.

Psalm 114:7

Agbọn gha guọ vbe Nọyaẹnmwa a gha dee, vbe odaro e Nọyaẹnmwa ne Osanobua Jekọb.

Psalm 144:5

E Nọyaẹnmwa, va iso ne u tuorre, ya obọ kan avbe oke ni yo, iran gha vbe tue ighogho ladian.

Psalm 18:9

Ọ valọ iso ua, ọ keghi tuorre. Ikpakpa iso ne ọ siere, keghi rre ototọ owẹ ọre.

Psalm 68:9

U gie amẹ kakabọ rhọ u keghi dọlọ otọe ruẹ ne ọ te fafaa yi.

Psalm 77:18

Ukhuarhamwẹ avan nukhunmwu ruẹn werriẹ ladian, asan ọghe ayan; keghi viọ asan uwanmwẹ ọnrẹn yan otọ agbọn; otọ agbọn mu rueghe ọ ke gha mian.

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Ẹksọdọs 19:13

A ghi filo okuta gbe ẹe rua, ra a ghi ya ifẹnmwẹ salọ ẹe gbe ua vbe ne ọmwa rhọkpa i na ya obọ kan rẹn. Kevbe emwa nagbọn kevbe emwirri ọre a kha na. Te a gha gbele ehia a. Sokpan, a ghẹ ghi kpe okpe nẹ, emwa hia ghi hin uhunmwu oke.”

Ẹksọdọs 19:17

E Mosis keghi viọ emwa nii ladian vbe agọ ne iran ya vba Osanobua, iran keghi mudia vbe ototọ oke.

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 34:2

Owiẹ ne akhuẹ, mu egbe ne u hin oke Sainai, ne u do vba mwẹ vbe odukhunmwu ẹnrẹn.

Aizaia 6:4

Ulamwẹ urhu iran keghi mu ẹyotọ Ọgua Osa rueghe, ighogho keghi vuọn nene Ọgua Osa tobọre.

Aizaia 64:1

Vbọzẹ ne u ma na va iso ne u tuorre yi? Avbe oke nekhua gha te bẹghe ruẹ, iran ghi gha guọ ne ohan.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Zẹkaraia 14:5

We ghi lẹ la iya na ne ọ fian oke ni rra ya sẹ obọ nọkpa ladian. Wa ghi lẹ zẹ vbene avbe erha uwa odede ka lẹ vbe ẹghẹ ne igbohiotọ na gha rrọ vbe ẹghẹ Ọba Uzaia ọghe Juda. E Nọyaẹnmwa Osanobua mwẹ gha viọ avbe odibosa hia mwẹ obọ gha dee.

Matiu 24:7

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 5:4

E Nọyaẹnmwa keghi gu uwa guan ke uwu erhẹn ni rre, vbe ghe aro mwẹ ghe aro uẹ.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Hibru 12:18

Wa ma he sẹ eke ne ọ gha da uwa egbe, zẹ vbene ọ ghe ivbi Izrẹl gha ye vbe Oke Sainai, ke ẹe kevbe erhẹn ọnrẹn ne ọ ba gidigidi, ebiebi kevbe okuku kevbe okpẹhoho.

Hibru 12:26

Te urhu ẹre mu otọe agbọn rueghe ẹghẹ nii. sokpan wanwanna nian, rẹn tae nẹ wẹ, “Ẹ i re otọ agbọn ọkpa I gha dọlegbe mu rueghe, sokpan, kevbe ẹrinmwi ba ẹre.”

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

Arhie Maan 15:8

Ighogho ọghe uyi kevbe ẹtin Osanobua keghi wa gba Ọgua Osa nii, a ma miẹn ọmwa ne ọ sẹtin la uwu Ọgua Osa, ọ te do sẹ ẹghẹ ne ọ ya fo vbe otọ ighẹ avbe egboghogbogho nii ne avbe odibosa ihinrọn ni viọ rre.

Arhie Maan 9:2

Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.

Giọgis 5:5

“Avbe oke nekhua guọe vbe odaro Nọyaẹnmwa e Sainai, vbe odaro e Nọyaẹnmwa ne Osanobua Izrẹl.