Ẹksọdọs 19:12 - Edo Bible (E Baibol Ẹdo) Version 1996

¹² U ghi yi uwu lẹga oke nii ne emwa na, u ghi tama iran wẹ ne iran mwẹ ẹwaẹn ne iran ghẹ hin oke nii ra ne iran ya obọ kan ẹzi ẹre. A deghẹ ọmwaikọmwa ya obọ kan rẹn, te a ra gbe ẹe rua.

Ẹksọdọs 19:12 ပူးပေါင်းရင်းမြစ်များ

Ẹksọdọs 10:28

Ọ keghi tama e Mosis wẹẹ, “wa kpao vbe ehe ne I ye rre. Wa mwẹ ẹwaẹn ne uwa ghẹ dọlegbe bu mwẹ rre, rhunmwuda, ẹdẹ ne uwa gha ye rre, a gha gbele uwa a.”

Ẹksọdọs 19:21

E Nọyaẹnmwa tama e Mosis wẹẹ, “Tuorre, ya tama emwa nii ne iran ghẹ fian uwu gberra ghe edinran wẹ iran ra do ghe mwẹ, ne nibun vbe uwu iran ghẹ ya wulo.

Ẹksọdọs 19:23

E Mosis keghi tama e Nọyaẹnmwa wẹẹ, “Emwa nii i ra hin odukhunmwu, rhunmwuda u ka yan ma ima ne wẹẹ te oke nii huanrẹn kevbe ne a vbe vin uwu yọ.”

Ẹksọdọs 24:2

Wẹ ne Mosis ọkpa ọre ọ gha sikẹ mwẹ; wẹ ne iran nekpa ghẹ sikẹ mwẹ, emwa nii ghẹ vbe lele ẹe hin uhunmwu oke.”

Ẹksọdọs 34:12

Gie a miẹn wẹ u ma gu emwa ẹvbo ni rre ehe ne u rrie ru emwamwa kugbe rhunmwuda ọna sẹtin gbe uẹ uhunmwu.

Ẹksọdọs 34:3

Ghẹ gie ọmwarhọkpa lele uẹ gha dee, ghẹ gie a miẹn ọmwarhọkpa vbe ehe rhọkpa vbe oke nii, a ghẹ gie ohuan ra ẹmila vbe gha rri irunmwu vbe ọkpẹn oke nii.”

Diuteronomi 2:4

Ọ na wẹ ne I ru igiodẹ na ne uwa wẹẹ: ‘Vbe ẹvbo oke ọghe Idọm ọre uwa ghi ra la gberra na, otọe etẹn uwa ne ọ khian rrei nọ, ivbi uniẹn Isọ o re iran khin, ohan uwa gha mu iran,

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Hibru 12:18

Wa ma he sẹ eke ne ọ gha da uwa egbe, zẹ vbene ọ ghe ivbi Izrẹl gha ye vbe Oke Sainai, ke ẹe kevbe erhẹn ọnrẹn ne ọ ba gidigidi, ebiebi kevbe okuku kevbe okpẹhoho.

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”