Ẹksọdọs 18:5 - Edo Bible (E Baibol Ẹdo) Version 1996

⁵ E Jẹtro keghi viọ amwẹ Mosis kevbe ivbi ẹre nikpia gha die uwu ato vbe ehe ne Mosis na bu agọ ye uhunmwu oke ne ọ huanrẹn.

Ẹksọdọs 18:5 ပူးပေါင်းရင်းမြစ်များ

I Ọba 19:8

Elaija keghi kpaegbe, ọ rri evbare, ọ keghi wọn amẹ, evbare ni keghi rhie ẹtin ne ẹẹn ne ọ ya khian okhian ikpẹdẹ iyeva gha rrie Sainai ne oke ne ọ huanrẹn.

Ẹksọdọs 18:6

Rẹn keghi gie ne a khama e Mosis nẹ wẹ iran dee.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 19:20

E Nọyaẹnmwa keghi tuorre ye uhunmwu oke Sainai, ọ keghi tie Mosis la uhunmwu oke, e Mosis keghi hin odukhunmwu.

Ẹksọdọs 24:13

E Mosis keghi rhie Jọsua ne ọguọmwadia ẹre ba egbe, iran ke hin uhunmwu oke Osanobua.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.