Ẹksọdọs 18:24 - Edo Bible (E Baibol Ẹdo) Version 1996

²⁴ E Mosis keghi rhie ẹmwẹ Jẹtro, ọ na ru zẹ vbene ọ kha re.

Ẹksọdọs 18:24 ပူးပေါင်းရင်းမြစ်များ

Ẹzra 10:2

Ẹre Siekanaia ne ovbi Jẹhiẹl ne uniẹn Ẹlam na tama Ẹzra wẹẹ, “Ma rra uhi Osanobua nẹ, vbe ekpa ne a na ya gha viọ ikhuo orhunmwuyẹn rọnmwẹ, sokpan ọ rhe ye vberriọ, idaehọ ye rrọ ne ivbi Izrẹl.

Ẹzra 10:5

Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Psalm 78:53

Ọ su iran vbe ne ai na mwẹ ẹbe, ohan ma vbe mu iran, sokpan, okun keghi hihiẹ rre ọ na lẹ rhu avbe eghian iran muotọ.

Ẹksọdọs 18:19

Danmwehọ mwẹ nian, gun mwẹ rhie igiodẹ esi ma ruẹn. Osanobua gha vbe yaba ruẹ. Wẹ gha ta ne unu iran na vbe odaro Osanobua, ne u vbe gha viọ imuan ẹmwẹ iran gie ẹe.

Ẹksọdọs 18:23

U gha ru ẹe vbe nian vbene Osanobua yi ẹre iyi, u i khian wiẹn egbe ruẹ ya, a ghi vbe bu ohiẹn iran na hia iran te gha rrie.”

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

I Kọrinti 12:21

Rhunmwuda ọnii, aro i sẹtin khama obọ wẹẹ, “I i mwẹ emwi ne I ya a ru.” Ra ne uhunmwu tama owẹ wẹẹ, “I i mwẹ emwi ne I ya ru.”

Diuteronomi 1:9

E Mosis keghi kha wẹẹ, “I tama uwa ẹghẹ nii wẹẹ, ‘Ihẹ ọghe ne a gha viọ uwa na khian khua mẹ gbe. Ẹtin imẹ ọkpa i sẹ ọe.