Ẹksọdọs 18:23 - Edo Bible (E Baibol Ẹdo) Version 1996

²³ U gha ru ẹe vbe nian vbene Osanobua yi ẹre iyi, u i khian wiẹn egbe ruẹ ya, a ghi vbe bu ohiẹn iran na hia iran te gha rrie.”

Ẹksọdọs 18:23 ပူးပေါင်းရင်းမြစ်များ

Gẹnẹsis 18:33

Ugbẹn vbe ọ ghi gu Ebraham guan fo nẹ, e Nọyaẹnmwa keghi kpao, ọre Ebraham na gha rrie owa.

Gẹnẹsis 30:25

A ghi biẹ Josẹf nẹ, e Jekọb kegbi khama e Leban wẹẹ, “Gunmwẹ kpao ne I gha rrie owa.

II Samuẹl 18:3

Iran wanniẹn tama rẹn wẹẹ, “Ghẹ lele ima yo hiehiere. A deghẹ ma hia werrie urhuawẹ ma na lẹ avbe eghian ima i ra vbe zẹ yọ, erriọ vbe nọ a deghẹ obọ ọkpa vbe a gha wa ima hia ye ihe eva vbe wulo. Sokpan, wẹ sẹ arriaisẹn igbe (10,000) vbe uwu ima. Emwi ne ọ gha kei sẹ ọrọre ne uwẹ mudia vbe ore ẹvbo vbe emwana ne u gha gie iyobọ gie ima.”

II Samuẹl 19:39

Ẹre Devid vbe emwa rẹn hia na do fian e Jọdan rra. Ọ keghi mu e Bazilai unu hiẹnhiẹn, ọ na na erhunmwu ne ẹẹn, ẹre Bazilai na dọlegbe gha rrie owa.

II Samuẹl 21:17

Sokpan, Abisiai ne ovbi e Zeruaia keghi rhie iyobọ ne Devid, ọ keghi dekun arhuanran na, ọ na gbe ẹe rua. Emwa e Devid keghi wẹ ne ọ do yan ighẹ rẹn i ghi dọlegbe lele iran yo okuo ẹdẹ. Iran tama rẹn wẹẹ, “Wẹ ọrọre idaehọ ne Izrẹl mwẹ, ma i ho ne u wi mwa.”

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”

Ẹksọdọs 18:18

U gha ru ẹe, te u ra wiẹn egbe ruẹ ya na ke uwẹ kevbe emwa nii guẹ. Ọ na bun gbe sẹ mwẹ, wẹ ọkpa i sẹtin ru ẹe.

Ẹksọdọs 18:22

Gie iran gha re ne ọ bu ohiẹn iran na ne a wa rẹn yọ. Iran sẹtin gha viọ ẹzọ nii lọghọ bu ruẹ rre, sokpan iran ghi gha tobọ iran bu avbe ne giẹrẹ nii rrọọ. Erriọ ọre ọ gha na khuẹrhẹ nuẹn sẹ vbe iran ra guẹ mu vbe ihe na.

Ẹksọdọs 18:24

E Mosis keghi rhie ẹmwẹ Jẹtro, ọ na ru zẹ vbene ọ kha re.

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Galatia 2:2

Te I gha khian, rhunmwuda ighẹ Osanobua rhie ma mwẹ ne I gha khian. Ugbẹn vbe imẹ vbe avbe ọkaolotu ghi si egbe uma, I keghi rhan otọ iyẹn ne ọ maa ne I kpe orhu ẹre ma iran ne ẹ i re Ju, ma iran. I ma ho ne iwinna ne I ka winna nẹ, ra ne iwinna vbe obọ na, khian ne ọ la ọrhiae rrie.

I Samuẹl 8:22

E Nọyaẹnmwa keghi wanniẹn wẹẹ, “Ru ẹe vbene iran ho, ne u rhie ọba ne iran.” Ẹre Samuẹl na tama ivbi Izrẹl ne iran gha rrie owa.