Ẹksọdọs 18:21 - Edo Bible (E Baibol Ẹdo) Version 1996

²¹ Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Ẹksọdọs 18:21 ပူးပေါင်းရင်းမြစ်များ

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Gẹnẹsis 47:6

otọe Igipt rre iran evba nii, gie iran yin odẹ Gosiẹn, ehe ne ọ maa sẹẹ vbe otọe na, adeghẹ a ghi vbe miẹn ne ọ gha sẹtin vbe uwu iran, we ne iran gha gbearoghe avbe emwirri mwẹ.”

II Samuẹl 18:1

E Devid ne ọba keghi viọ emwa rẹn hia ladian, ọ na gha iran ye otu, eso arriaisẹn, eso iyisẹn, ọ na viọ ọkaolotu ne ọ gbearoghe iran lelẹe.

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

I Ọba 18:3

Ẹre Ehab na tie Obedaia ne ọka ẹguae. Obedaia keghi re ọmwa ne ọ ye ekhọe ga e Nọyaẹnmwa,

Ẹzra 7:25

“Wẹ ne Ẹzra, u ghi lo ẹwaẹn ne Osanobua ruẹ rhie nuẹn, ne u zẹ iran ni khaemwisẹ kevbe ni bu ohiẹn, ne iran gha gbearoghe avbe emwa hia ni lele Uhi Osanobua ruẹ ru emwi vbe odẹ Orrie e Yufretes. U ghi ma iran hia uhi nii ighẹ avbe emwa ni ma he te ka rẹn ọnrẹn.

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Nehimaia 7:2

I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 29:16

I keghi mudia ye ihe erha ne ivbiogue, I na gha mu ẹzọ orhunmwuyẹn ne ẹ i mwẹ evbare gui.

Job 31:13

“Ọkpa vbe uwu eguọmwadia mwẹ gha talọ ẹmwẹ mwẹ ma ọmwa, te I ye danmwehọ, I gha ye obọ ne ọ kere mu ẹẹn.

Psalm 15:1

Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Ẹksọdọs 17:9

E Mosis keghi khama Jọsua wẹẹ, “Hannọ emwa eso ladian ne ima ne uwa ladian ya gu emwa Amalẹk khọn akhuẹ. I gha mudia ye uhunmwu oke vbene I na gha rhie ọkpọ ne Osanobua rhie mẹ mwẹ.”

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Itan 28:2

Uhunmwu ẹvbo gha ru orukhọ, nikhaemwisẹ iran ghi gha lele egbe kpẹkpẹkpẹ. Sokpan, adeghẹ uhunmwu ẹvbo okpa mwẹ ọkaolotu ne ọ wan kevbe ne ẹdẹ gbe vbe ẹko, ọ ghi wegbe, ọ ghi vbe kpee vbe otọ ẹsẹse.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Aizaia 16:5

Ọkpa vbe ivbi e Devid gha rriọba, ọ gha ya ẹkoata kevbe aho khaemwisẹ yan emwa nii. Obọ gha kẹ ọre vbe emwi nọgbae ne a ru, ọ gha vbe miẹn wẹ vbene emwi kei yi ọ re a ru ẹẹ.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

Nọmbas 1:4

U ghi zẹlẹ ọka ẹvbo ọkpọkpa vbe uwu avbe ẹwae ni ne iran yuẹ obọ.”

Nọmbas 10:4

Sokpan, a gha kpe okpe ọkpa vbọ, avbe olotu dọmwadẹ ẹwae ni rrọ, ọre ọ gha bu ruẹ gha dee.

Iyẹn ne ọ Maan Ọghe Luk 18:2

“Nọbuohiẹn ọkpa kegha re ẹvbo ọkpa, ẹ i mu ohan Osanobua, ẹ i vbe da ne ọmwa rhọkpa.

Iyẹn ne ọ Maan Ọghe Luk 18:4

Vbe ẹghẹ ne ọ taẹn vbe otọ, nọbuohiẹn nii ma zẹyọ, sokpan vbe okiekie, ọ keghi tae vbe ekhọe ẹre wẹẹ, ‘A gha rhe miẹn ighẹ mẹ i muohan Osanobua, I i vbe da ne ọmwa rhọkpa,

Iwinna 20:33

I ma ye aro ye ẹrọnmwọ, oze ra ukpọn ọmwaikọmwa.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Diuteronomi 22:18

Ẹghẹ nii avbe ekaolotu ẹvbo ghi mu ọdọ ẹre nii, iran ghi gbe ẹe.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

Jọsua 22:14

Ekhaẹmwẹ igbe ọ re ọ lele Finihaz gha khian, orhiọnkpọkpa ke ẹwae igbe ni rre Izrẹl rre. Dọmwadẹ ọghọe vbe uwu iran kegha re okaẹgbẹe ọghe ẹgbẹe vbe ẹwae nii.

I Samuẹl 8:12

Ọ gha ya eso vbọ ru ivbiyokuo ni gbearoghe ivbiyokuo arriaisẹn, eso ghi vbe gha re ni gbearoghe ekigbe siyeha. Ivbi uwa gha rhọ emwiokọ ẹre, iran ghi gha dunmwu emwi gbinna rẹn kevbe ọghe ikẹkẹ okuo ẹre.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.